
<rss version="2.0" xmlns:atom="http://www.w3.org/2005/Atom">
 <channel>
   <title>Žemaitėšks alkierios</title>
   <link>https://xn--emaitj-m4ab33g.lt/</link>
   <description>Recent content on Žemaitėšks alkierios</description>
   <generator>Hugo -- gohugo.io</generator>
   <language>sgs</language>
   <copyright>CC BY-SA 4.0</copyright>
   <lastBuildDate>Fri, 31 Oct 2025 00:00:00 +0000</lastBuildDate>
   
       <atom:link href="https://xn--emaitj-m4ab33g.lt/index.xml" rel="self" type="application/rss+xml" />
   
   
     <item>
       <title>Žemaitē itrauktė i CLDR</title>
       <link>https://xn--emaitj-m4ab33g.lt/skait%C4%97ne%CC%84/cldr-sgs/</link>
       <pubDate>Fri, 31 Oct 2025 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/cldr-sgs/</guid>
       <description>&lt;p&gt;CLDR (en. The Unicode Common Locale Data Repository) ī doumenū saugīkla, katruo sodietė kalbū standartā. Anėi nauduojamė vėsam svietė pārgoldėmams a kėtēp luokalėzoutė pruogramas. I anon veiz:&lt;/p&gt;&lt;ul&gt;&lt;li&gt;Apple (macOS, iOS, watchOS, iTunes ė kt.)&lt;/li&gt;&lt;li&gt;Google (paėiška, Chrome, Android, Google Maps ė kt.)&lt;/li&gt;&lt;li&gt;Meta (Facebook, Messenger, WhatsApp ė kt.)&lt;/li&gt;&lt;li&gt;Microsoft (Windows, Office, Visual Studio ė kt.)&lt;/li&gt;&lt;li&gt;ė daug daug kėtū&lt;/li&gt;&lt;/ul&gt;&lt;p&gt;So 48 ėšleidėmo, katras bova spalė 29 dėina, žemaitiu kalba ėrgė bova itraukta i ton saugīkla. Pavīka pradiuo tik pagrindėnēs dalīkās, kāp nuruodont regijuona, līkavėma taislio (itraukont dvėskaita), majednės žemaitiu ruodbalsės. Baisē gera pradė, katruos parėngėms ožtroka vėrš metu. Dabā tik ivestė daugiau standartizoutu vertėmu ė veizieket nȧtroks ė telepuonūs turiesma žemaitiu kalba so „ė̄“.&lt;/p&gt;&lt;p&gt;&lt;a href=&#34;https://cldr.unicode.org/downloads/cldr-48&#34;&gt;https://cldr.unicode.org/downloads/cldr-48&lt;/a&gt;&lt;/p&gt;</description>
     </item>
   
     <item>
       <title>Apklausa na-ne ėr om-o</title>
       <link>https://xn--emaitj-m4ab33g.lt/skait%C4%97ne%CC%84/na-ne_om-o_apklausa/</link>
       <pubDate>Tue, 25 Feb 2025 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/na-ne_om-o_apklausa/</guid>
       <description>&lt;p&gt;Bova atlėkta apklausa, ka soprastė kāp žmuonis saka: &lt;strong&gt;na&lt;/strong&gt;galo/&lt;strong&gt;ne&lt;/strong&gt;galo ėr ons galiet&lt;strong&gt;om&lt;/strong&gt;/galiet&lt;strong&gt;o&lt;/strong&gt;. Jūsa diemesiou rezoltatā. Žėnuomās atsakiusiu nie daug, tik posė šimta, ale tas ruoda tendencėjė.&lt;/p&gt;&lt;p&gt;&lt;img src=&#34;https://xn--emaitj-m4ab33g.lt/images/na.jpg&#34; alt=&#34;&#34;&gt;&lt;img src=&#34;https://xn--emaitj-m4ab33g.lt/images/om.jpg&#34; alt=&#34;&#34;&gt;&lt;/p&gt;</description>
     </item>
   
     <item>
       <title>Diel regresīvėnės asimilēcėjės keravuojėma bėndrinie rašībuo</title>
       <link>https://xn--emaitj-m4ab33g.lt/skait%C4%97ne%CC%84/regresivene-asimileceje/</link>
       <pubDate>Tue, 19 Mar 2024 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/regresivene-asimileceje/</guid>
       <description>&lt;p&gt;Ta ī kertini telšiškiu puotarmės īpatībė. Anuos atsėsakėn turietumiem bėndrėnė rašība tik palē kretingiškius. Diel bėndrīstės rēktom telšiškiu nanurašītė ė nauduotė i-ė ėr u-o vartaliuojėma.&lt;/p&gt;&lt;p&gt;Ale, ka nabūtom tas kažkāp ėšsėšuokontē, ta linksto i ton, ka rēktom isėvestė dvė ruodbalsė vės tėik.&lt;/p&gt;&lt;p&gt;Kuokės dā nie aiškē (onkstesniam pruojektė bova è ėr ò). Mėslėno, ka turietom rėmtėis E ėr O ruodbalsiem, tik so padailėnėmo, ka ėšsėskėrtom. Dā turietom būtė liousā priēnamas telepuonė ėš karta.&lt;/p&gt;&lt;p&gt;Veizam, kon toram telepuonė.&lt;/p&gt;&lt;pre tabindex=&#34;0&#34;&gt;&lt;code&gt;ę ě ĕ ə ė è é ê ë ē ẹœ ő ō ø ö ô õ ò ó ọ&lt;/code&gt;&lt;/pre&gt;&lt;p&gt;Jau nauduojamas: &lt;code&gt;ę ė ē ō&lt;/code&gt;, par skėrtingas: &lt;code&gt;ě ĕ ə œ ő ø õ&lt;/code&gt;&lt;/p&gt;&lt;p&gt;Ī so paviedēs i kėrtius, bet natink, nes kėrtē rēšk ėlgė: &lt;code&gt;é ẽ ê ó ô õ&lt;/code&gt;&lt;/p&gt;&lt;p&gt;Lėikt kandidatā: &lt;code&gt;è ë ẹ ò ö ọ&lt;/code&gt;&lt;/p&gt;&lt;h3 id=&#34;sotompontis-so-kairėnio-kėrtio-è-ò&#34;&gt;Sotompontis so kairėnio kėrtio: è ò&lt;/h3&gt;&lt;p&gt;Bluogiesnis pasėrinkėms, jė būs tāp, ka nuoriesas sokėrtioutė žuodi ė kėrtē būs kėtuokėi arba na tuo vėituo. Siekmingā nauduotė onkstesniam pruojektė.&lt;/p&gt;&lt;p&gt;Pvz.: &lt;em&gt;plèkis sòskis tòriejė&lt;/em&gt;&lt;/p&gt;&lt;h3 id=&#34;so-umliautas-ë-ö&#34;&gt;So umliautās: ë ö&lt;/h3&gt;&lt;p&gt;Žėnont, ka umliautā mėnkštėn tradicėškā, ta bėškioka natink. Dā jė kumet ėi-ī turies bėndra ruodbalsė, ta ta ėrgė būtom ë&lt;/p&gt;&lt;p&gt;Pvz.: &lt;em&gt;plëkis söskis törieje&lt;/em&gt;&lt;/p&gt;&lt;h3 id=&#34;so-taško-apatiuo-ẹ-ọ&#34;&gt;So taško apatiuo: ẹ ọ&lt;/h3&gt;&lt;p&gt;Mondriesnė ruodbalsė - pas susiedus tuokiū nie. Daug kor tašks apatiuo reišk siauriesnė balsė, ta kāp ė tink&lt;/p&gt;&lt;p&gt;Pvz.: &lt;em&gt;plẹkis sọskis tọriejė&lt;/em&gt;&lt;/p&gt;&lt;p&gt;Vėsė varijantā reikalaus taisītė jau esamus klavētūras ėšdiestīmus. Ka ẹ ọ atruoda induomiausis, ta dabā testousous ont anū.&lt;/p&gt;&lt;h3 id=&#34;papėldims-2024-04-19&#34;&gt;PAPĖLDĪMS 2024-04-19&lt;/h3&gt;&lt;p&gt;Kelės savaitės bondiaus so ta ẹ,ọ žīmietė regresīvėnė balsiu asimilēcėjė ė kažkāp neso patėnkints rezoltato. Mėslėjo, ka tėisiuog rēk rašītė „i,u“ ė vėsks. Jė -sė-, so-, ož- vėsor vėinuodā rašītė, dā dvėgarsius palėktė platē, ta tū pasiaurėnėmu na tėik daug talėikt. A palaikuot idiejė, ka ėš regresīvėnės asimilēcėjės keravuotė tik -i/ė-,-u/o-, bet dvėgarsius, prīšdieliūs, songrāžas delelītė palėktė platē. Pvz.: koisē - koisīs (na kuisīs), konsnē - konsnis (na kunsnis), kėrvē - kėrvis (na kirvis), pasĖtink, sOtink, Ožpīksti (to). Ar ī prasmie tėik apkarpios dā žīmietė kėtor?&lt;/p&gt;</description>
     </item>
   
     <item>
       <title>Veizont i bovusius metus</title>
       <link>https://xn--emaitj-m4ab33g.lt/skait%C4%97ne%CC%84/2023-metu-plans/</link>
       <pubDate>Wed, 03 Jan 2024 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/2023-metu-plans/</guid>
       <description>&lt;p&gt;Nabturiejau dīdeliu planū 2023-īsėms, ta trumpā taront, kāp ė pavīka vėsks vagol plana, katras bova nuognē pesimistinis.&lt;/p&gt;&lt;p&gt;Dabā detaliau:&lt;/p&gt;&lt;ul&gt;&lt;li&gt;bėndrėnės rašības pruojekts vagol īpatībės pasėstūmiejė nažīmē. Bova atlėktas dvė apklausas: aple afrikatas ėr aple regresīvėnė asimilēcėjė. Pėrmuojė pavīka, vuo ėš ontruosės tik tendencėjės gal darītė. Daug naatsakītu klausėmū, ale nie kam atsakītė ė nalabā kam rūp. Bet planūs tik tuokė vėltės ė tabova.&lt;/li&gt;&lt;li&gt;pamuokīmu bova mažā, nes glauniausė patiemījėmā jau bova ėšvardintė, vuo kartuotėis nie iduomē. I dalīkus, katrėi nabūtom itraukamė i bėndrėnė rašība, stelgiaus nasėveltė. Tik kelė patiemījėmā, kor bada akis.&lt;/li&gt;&lt;li&gt;žemaitiu kalbuos itraukėms i CLDR registra - napadarīts rēkals. Baisē svarbos. Kāp ė daugis kėtū dalīku ta ė če - naimeigėms ožrašītė vėinuodā nalēd tuo darba padarītė. Atlėkos ton darba būtom žemaitiu kalba itraukta i pargoldamu kalbū sārašos, dejė, žemaitiu kalba tuoki nie. Bet planūs tas bova pažīmiets kāp sėikamībė. Trūkst sprėndėma cėntra.&lt;/li&gt;&lt;li&gt;ruoda.lt pardarīms. Nuoriejau atnajintė informacėjė ė vielėk atėdarītė alkierio, ale žėnont, ka če tik arkīvinis alkierios, ta nabova tuokiuos okatas darītė žīgius.&lt;/li&gt;&lt;/ul&gt;&lt;p&gt;ŽKI svarbiausis dalīks - bėndrėnė rašība ė žemaitiu kāp kalbuos iteisėnėms, īpatinga diemesi skėront IT pusie. Kāp mėnavuojau so CLDR registro kāp ė napavīka dā, ta žemaitiu kalba telepuonūs dā nanusėmata. So bėndrėnė rašība ta lėikt vėins ėš klaustoku diel na-, ba-, ta- keravuojėma. Veizont i padarītas apklausas ė tendencėjės, ta kėlst pamėslījėmu, ka vėina kėta naujė ruodbalsė turietom būtė isėvesta, īpatingā: ë, ů, bet dabā dā tuo natestouso.&lt;/p&gt;&lt;p&gt;Patiemėjau, ka tarpė gerā rašontiu žemaitėškā praded atsėrastė kliauzu, katruos atruoda atsėrond nusėveizont nu bikāp daug rašontiū 😢&lt;/p&gt;&lt;p&gt;Kuokės vizėjės 2024-īsėms?&lt;/p&gt;&lt;ul&gt;&lt;li&gt;ka ė naėšbėngta, bet kažkuoki varijanta pateiktė CLDR pripažėnėmou&lt;/li&gt;&lt;li&gt;praētė vėsas žemaitėškas īpatībės ė sodietė i rašta analėzē, rast atsėras, kas nuories turietė ruodas tuo temuo&lt;/li&gt;&lt;li&gt;ka paskotėnė apklausa ė napavīka, ale vėstėik pruobītė dā&lt;/li&gt;&lt;li&gt;tuoliau „kabinietėis“ pri oficēliū leidieju so rašības kliauzu ruodīmo&lt;/li&gt;&lt;li&gt;tuoliau švėistė skoudiškius, ka nanukonstom galūniu&lt;/li&gt;&lt;li&gt;papruobītė sogeneroutė materijuola dėrbtėniou pruotou, ka ons imeigtom SKAITĪTĖ žemaitėškā. (aple sopratėma, taisīma arba pargoldīma - nie kalbuos, kuol rašīsam skėrtingā)&lt;/li&gt;&lt;/ul&gt;&lt;p&gt;Šėtėi metā daug kor Žemaitėjuo paskelbtė „Žemaitėška rašta“ metās. Ė džiaugsmos, ė baimė. Vėn pruopesuorė Žebrauskė apskelbėms, ka visīms paruodīs kāp rašītė žemaitėškas ruodbalsės 2000-ūju metu būdo (itaro, dā rēk pasėtikslintė, ožklausiau, ale dā naatsakė) ruoda ont kėik atsėlėkėn nu teknuoluogėju. Labiausē bėjau, ka būs „žemaitiu tarmies rašta“ metā, nes būs okatėnama rašītė vėinuo ėš tarmiū ė žemaitiu kalba lėks tik verbalinie skvarmuo.&lt;/p&gt;&lt;p&gt;Ėškeltė tėkslā mažė, ale ka bėnt tėik pavīktom – būtom poikē. Lai metā būn geresnė nē bova!&lt;/p&gt;</description>
     </item>
   
     <item>
       <title>Vėins rašuos so „ėi“</title>
       <link>https://xn--emaitj-m4ab33g.lt/skait%C4%97ne%CC%84/veins/</link>
       <pubDate>Wed, 27 Sep 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/veins/</guid>
       <description></description>
     </item>
   
     <item>
       <title>Dėrbtėnė pruota galėmībės</title>
       <link>https://xn--emaitj-m4ab33g.lt/skait%C4%97ne%CC%84/derbtene-pruota-galemibes/</link>
       <pubDate>Wed, 22 Mar 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/derbtene-pruota-galemibes/</guid>
       <description>&lt;p&gt;Nasenē turiejau ruoda so Malinauskio Linio api OpenAI/ChatGpt – dėrbtėnė pruota galimībės. Nuognē teisingā prietelis patiemėjė, ka so tuokēs rakondās žemaitiu kalba galietom ėšplėstė ėr i fėlmu igarsėnėmus ė vėsuokiausiu pruogramu pargoldīmus. Tas ī tėkra teisībė. Jok fainē: pasakā, ka nuori kuoki „Terminatuorio“ žemaitėškā paveizietė ė gauni ikalbieta Švarcnegerė (sintezouta) žemaitėškā ciela fėlma, nuori parskaitītė Antuana de Sent Egziuperi „Mažāsis princos“ ėr atbildie pas tavėm kninga sorašīta dailē žemaitėškā. Jė ruokoutėis ne api tuokius tuolėmus čiesus, ta bėnt jau titrus fėlmou a pdf skvarmuo kningas. Vėsks tas gal būtė padarīta, tėk&amp;hellip;&lt;/p&gt;&lt;p&gt;toram pradiuo padarītė sava darbus: dėrbtinis pruots tor būtė apmuokīts. Anam rēk doutė tvarkinga sorėktavuota materijuola. Jė vėinuo vėituo būs „douna“, kėtuo „dūna“, ta če jau do skėrtingo žuodio; jė kartās „mīlo“, vuo kartās „mīlio“, ta aš darau skėrtingus dalīkus arba bėnt jau ēs kāp sinuonėmā, tėk naaiškē, kumet katron nauduotė. Ė dėdliausė bieda, ka tuo materijuola tor būtė daug&amp;hellip; labā daug (saka api milijuona lapu). Dā žemaitiu kalba tuokė našpietna: jė dousi tėk žuodīna tam dėrbtėniam pruotou, ta ons ėšmuoks vėina linksni, vuo pas mumis anū septīnė, kor dā daugėskaita, dvėskaita, mažībėnės skvarmas, būdvardē so sava giminiem, veiksmažuodē so sava laikās&amp;hellip; Ėch, kuokė mūsa kalba ī baguota. Geriausē ta žėnuomu autuoriu kningu pargoldīmā, bet tvarkingā, ba kliauzu.&lt;/p&gt;&lt;p&gt;Ta ė kāp nuoras tū galimībiu solauktė onkstiau, ale kāp vėsumet: rēk pradietė nu savėm, nu kalbuos ne tarmies ožrašīma, nu sotarėma, kuo mes nuoram ė daug daug darba, ka vėsks tas pasklėstom&lt;/p&gt;</description>
     </item>
   
     <item>
       <title>Garsū kėtėms paruoda politėnė priklausuomībė</title>
       <link>https://xn--emaitj-m4ab33g.lt/skait%C4%97ne%CC%84/garsu-ketems-paruoda-puolitene-priklausuomibe/</link>
       <pubDate>Thu, 09 Mar 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/garsu-ketems-paruoda-puolitene-priklausuomibe/</guid>
       <description>&lt;p&gt;XIII-XV omžios bova margs ne vėin politėniam žemielapie, ale ė kalbuos kitimė.&lt;/p&gt;&lt;p&gt;Vėins pagrindiniu garsū kėtėma diesniu ivīkės XII-XIV omžie bova afrėkatu atsėradėms. Ēnont ėš rītū nu XII omžė &lt;em&gt;tj,dj&lt;/em&gt; prīš ožpakalinius balsius pradiejė vėrstė i &lt;em&gt;č,dž&lt;/em&gt;. Vėsuo Mindauga valduomuo Lietovuo tas ivīka gana vėinuodā, tik dzūkā vieliau pasiaurėna lėg &lt;em&gt;c,dz&lt;/em&gt; (bet če ne šėtuo temuo). Pas žemaitius ivīka ėrgė tuoks kėtėms, ale kėtāp ė vieliau – saka, ka XIV omžie.&lt;/p&gt;&lt;p&gt;Kas liemė ton? Vėins dalīks politinis: Mindauga napriklausontiuo žemie nasėmaišė žmuonis ė napārnešė tuos „naujuovės“, vuo karto ėš līviu kalbuos pradiejė sklėstė dā vėins diesnis - galūniu tumpėnėms ė kėrtė parkelėms ont pradiuos. Nutrumpėnos pabonga atsėrada kėts garsos, katras &lt;em&gt;tj,dj&lt;/em&gt; diesniou nabpaklosa: &lt;em&gt;*svetjāi &amp;gt; *svetjai &amp;gt; *svetjei &amp;gt; *svetei &amp;gt; *svetē&lt;/em&gt;&lt;/p&gt;&lt;p&gt;Tuo diesnė robežios gana aiškos ė šėndėin, tas ī dabartiniu žemaitiu skėriamuojė nu lietuviu aukštaitiu. Arba vakarū ė rītū žemaitē Mindauga čiesās. Vieliau „sogrīžos“ rītū žemaitems i Žemaitėjė kėtėms tėnsies, bet tas čiesa tarpielis spiejė itakuotė kalba ė tāp atsėskīrė fonetėškā dabartiniu žemaitiu kalba.Pajūrė žemaitē, katrėi vėsuos vėituos tor &lt;em&gt;t,d&lt;/em&gt; atsėstuo i paskotėnes kuršiu gīventas žemes ė tik XIV-XV sožemaitiejoses.&lt;/p&gt;&lt;p&gt;Bet istuorėjė nasibėng ė vieliau Žemaitiu konėgaikštėjė paišuoma lėg Švėntuosės opės rītūs. Ė kon matuom? Ka tam pluotė vīka ėš līviu atējės pabonguos trumpėnėms, katras tū čiesu lietuviu kalbuo naatsėrada. Toram dabartinius paneviežiškius, šauliškius so nukonstuom galūniem. Zanavīkā (priklausė Žemaitems) ėrgė trumpėna, net parsėmetė i Prūsus kažkėik. Lietuviu kalbuo tuo nie.Kėts diesnis jau nu XV omžė ta senuosės &lt;em&gt;ā&lt;/em&gt; vertėms i &lt;em&gt;o&lt;/em&gt;. Pvz., Mažvīda „szadei“ (žādei) jau tor žemaitėška diesni afrikatā (nie &lt;em&gt;dž&lt;/em&gt;), vuo dā senuovinis &lt;em&gt;ā&lt;/em&gt;. Vėsuo LDK baltu kalbas turiejė kėtėma &lt;em&gt;ā→o&lt;/em&gt; (tik žemaitē jau i &lt;em&gt;uo&lt;/em&gt; paralelē arba ėš karta pu tuo). Latvē ė prūsā ėšlaikė ton garsa.&lt;/p&gt;&lt;p&gt;Tas paruoda, ka politėnē robežē itakuo kalbū kitimus.&lt;/p&gt;</description>
     </item>
   
     <item>
       <title>Šaknėnē *ą, *ę</title>
       <link>https://xn--emaitj-m4ab33g.lt/skait%C4%97ne%CC%84/on/</link>
       <pubDate>Tue, 17 Jan 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/on/</guid>
       <description>&lt;p&gt;Daug lermas kāp rēk rašītė šakninius „ą, ę“. Ėiškont bėndrėnės rašības linksto pri „on, ėn“, ale gal būtė ėr „ō, ė̄“. Vuo jūsa diemesiou kāp saka žemaitiu tarmies&lt;/p&gt;&lt;p&gt;&lt;img src=&#34;https://xn--emaitj-m4ab33g.lt/images/on/2.jpg&#34; alt=&#34;&#34;&gt;&lt;img src=&#34;https://xn--emaitj-m4ab33g.lt/images/on/3.jpg&#34; alt=&#34;&#34;&gt;&lt;img src=&#34;https://xn--emaitj-m4ab33g.lt/images/on/4.jpg&#34; alt=&#34;&#34;&gt;&lt;img src=&#34;https://xn--emaitj-m4ab33g.lt/images/on/5.jpg&#34; alt=&#34;&#34;&gt;&lt;/p&gt;</description>
     </item>
   
     <item>
       <title>Diel laikraštė „Ruoda“</title>
       <link>https://xn--emaitj-m4ab33g.lt/skait%C4%97ne%CC%84/diel-laikraste-ruoda/</link>
       <pubDate>Mon, 09 Jan 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/diel-laikraste-ruoda/</guid>
       <description>&lt;p&gt;2015 metās Malinauskė Lėna inicētīvuo gėmė laikraštoks „Ruoda“. Ons bova platėnams dīkā Skouda pusie ė turiejė gīvoutė ėš reklamas. Tāp ėšējė, ka bovau prisidiejės pri tuo pruojekta, sokūriem alkierio tik žemaitėškā. Tamė alkierie galiejė parsisiūstė ė pati laikrašti PDF skvarmuo.&lt;/p&gt;&lt;p&gt;Ėšējė cielė 7 nomerē, ale ėšsėlaikītė naėšējė, ta pruojekts sostuojė. Alkierios kabietė lėka.&lt;/p&gt;&lt;p&gt;Ė tudie, ka infuormacėjė lėka naatnaujinta, eso priversts ėšjungtė alkierio, nes klaidėn prietelius. Pasistėngso par kažkėik čiesa sotvarkītė informacėjė ė pateiktė arkīva skvarmuo prisėmėnėmams, vuo rast pats alkierios ras ė kėtuokė sava priskīrėma.&lt;/p&gt;&lt;p&gt;Atsėprašau ož nasosėpratėma. Ronkas tik dvė pas žmuogo&lt;/p&gt;&lt;h3 id=&#34;papėldims-2024-01-04&#34;&gt;PAPĖLDĪMS 2024-01-04&lt;/h3&gt;&lt;p&gt;Prikielėm bėškioka pataisīta Ruoda - būs arkīvs&lt;/p&gt;&lt;p&gt;&lt;a href=&#34;http://www.ruoda.lt&#34;&gt;www.ruoda.lt&lt;/a&gt;&lt;/p&gt;</description>
     </item>
   
     <item>
       <title>Atsakīms diel „kalbuos-tarmies“ vėinam žmuogou ėš Facebook</title>
       <link>https://xn--emaitj-m4ab33g.lt/skait%C4%97ne%CC%84/kalba-tarmie/</link>
       <pubDate>Fri, 06 Jan 2023 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/kalba-tarmie/</guid>
       <description>&lt;p&gt;&amp;lt;&amp;hellip;&amp;gt; Bet ruoda rēktom pradietė nu tuo, kas ī „kalba“, nes „žemaitiu ī lietuviu kalbuos tarmie“ nie aksijuoma, bet teuorėjė pagrinsta iruodīmās, katrėi ī liousā kvestėnounamė. Tėik kalba, tėik tarmie (tėik puotarmė a šnekta) ī kalbėnė sistema, tik kāp saka, kalba ī tarmie so armėjė ė laivīno („A language is a dialect with an army and navy“). Vėsks atsirem i kuoki tor ta tarmie/kalba statosa, prestėža, anuos paskirti ė rašības sistematėzavėma. Dā nu „sosėruokavėma“. Praktėškā žemaitiu kalba lietovē gal soprastė, bet būn ė nasosėruokavėmu – praktėškā ton patīriau so kupiškienās a dzūkās par sava gīvena (lt. gyvenimą). Ėš kėtuos posės, ta galat pajimtė kuokė latgaliu ė jė stelgtėis ėrgė ētė soprastė, ta vagol ton teuorėjė latgaliu ėrgė gal laikītė lietuviu kalbuos tarmė. Tas pats so okrainietiu ė baltarusiu kalbuom - anodvė dėdlē paviedė (lt. panašios). Arba pajimkam kėnu kalba - ana ėš 4 „tarmiū“, katruom sosėruokoun tik par sava heruoglėfus 😃&lt;/p&gt;&lt;p&gt;Diel statosa. Lietuviu kalba pas mumis ī valstībėnė, tor instėtocėjės, katruos anon keravuo ė stelgas (lt. stengiasi) praturtintė. Žemaitē valstībėnės paramuos tor minimalē ė keravuojama paprastū prieteliu, dā ŽKD (a kėtū smulkiesniu organėzacėju). Šėndėin ī tāp, praeitie bova kėtāp (tėik lietuviu, tėik žemaitiu naturiejė), ateitie vielėk gal būtė kėtāp. Ta če nie nakintons dalīks, vuo ė prestėžos žemaitiu kalbuos aug.&lt;/p&gt;&lt;p&gt;Prestėžos ėrgė prigol nu čiesa. Kurdu kalba XX omžė pradiuo bova Torkėjuo nurašīta vėsā ė net bova vadėnam kalnū torku tarmie (čīstā skėrtingas kalbū šeimas!). Lėnkmetio žemaiti rēkiejė gerā nugėrdītė, ka tas pradietom lėnkėškā šnekietė. Šėndėin svetėmė žemaitē praded kalba lietovėškā ė tik sopratėn, ka abodo ī žemaitio, parsėjung i gimta. Bet kāp jau mėnavuojau - prestėžos šėndėin aug.&lt;/p&gt;&lt;p&gt;Diel paskėrtėis. Dabartiuo žemaitiu nauduo šeimuo, rašītė individualės kningas (pruoza, poezėjė), dā vėina kėta ožraša (so kliauzuoms (lt. klaidomis)) par rėngėnė. Stelgas ivestė i muokīklas. Pruobėj laikraštoka „Žemaitē īr“. Šēp šnekietė žemaitėškā gali aple betkon, tik daugis (lt. dauguma) trūkstamu žuodiu būs pasėskuolinta ėš lietuviu (ė tėi tonkē būs tarptautėnē). Sėlpnuojė vėita: skaitmenėnė aplinka. Nie šmuota žemaitėšku alkieriu internetė, pruogramas (tamė tarpė Facebook) nator žemaitėškas aplinkuos, nie rakondu rašībuo (rašības taisītovu (en. spellchecker), žuodīnu), nie autuomatiniu pargoldītuoju (ale vertieju). Tas mona mėnavuots „sgs“ kuods ī skėrts tuokīms sožemaitėnėmams, ale dā anon ė rēk nauduotė.&lt;/p&gt;&lt;p&gt;Ė paskotėnis dalīks rašības sistematėzavėms. Mon atruoda, ka če kertinis skėrtoms tarp kalbuos ė tarmies. Ožrašītas tarmės nator vėinuodoma, nie fiksouta vėina a kėta skvarma, žuodis – diel tuo čiesou biegont anuos ėšskėrtėnomā gal nuninktė. Dejė, dabartėnė rašība tuokė „tarmėnė“, nes kuožnos raša tāp kāp šnek. Ī rašības taisīklės, ka tas vėinodoms rastous, ale rezoltats būs: parašīta vėinuo žemaitiu kalbuos tarmiū/puotarmiu/šnektū. Tas nalīgoms kėš kuojė skaitmenėzavėmou. XIX omžie pruobėjė turietė gramatėka, bet čiesa pritrūka sotartė katron nauduotė ė bėndros ėšlėkėma klausėms so lietovēs kabiejė ont nuosē, ta vieliau bova kompromėsu. Bova tuokiū dalīku ėr onkstiau, pvz., Bretkūns – atsėsakė sava prūsu kilmies ka nasovuokītietom. Dabā žemaitē vėinė sprėnd sava ėšlėkėma klausėma. Rašības taisīklės toram, ale gramatėkas kalbā dā nē, tarmiems - tāp.&lt;/p&gt;&lt;p&gt;Ta ėš tuo ėlga atsakīma galat soprastė, ka kalbuos ė tarmies santīkis nie kateguorėšks ė par čiesa ons gal kėstė. Svarbiau na kāp saka kėtė, bet kāp mėslėj patis žemaitē.&lt;/p&gt;</description>
     </item>
   
     <item>
       <title>Metu planā</title>
       <link>https://xn--emaitj-m4ab33g.lt/skait%C4%97ne%CC%84/2022-metu-plans/</link>
       <pubDate>Sat, 31 Dec 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/2022-metu-plans/</guid>
       <description>&lt;p&gt;2022-āsēs bova plans paruodītė žemaitems bėndrėnės rašības a kėtuokė varijanta rēkalingoma kāp ėšlėkėmou. Metu pradiuo prasidiejės maskuoliu isėveržėms i svetėma žemė nukreipė mona mėslės ė nabova spieka kažkon darītė, bet kažkėik pavīka pakušintė, kon nuoriejau.&lt;/p&gt;&lt;p&gt;Pėrmāsis plans bova sopažindintė prietelius so bėndrėnė rašība, katron pruobėjau paskutinius 12 metu. Šėtam pruojektou palaikītuoju naatradau ė sorašės idiejės nusprėndiau papruobītė kėtāp.&lt;/p&gt;&lt;p&gt;Ka jau pėrmuojė pruojekta ruodbalsės pasėruodė vėsīms dėdlē majednės ta nusprėndiau bėndrėnė rašība parteiktė esamuoms parėnkont populēriausi varijanta. Gavuos šiuoks tuoks dounininku tarmies kratėnīs, dūnininkā lėka nurašītė&amp;hellip;&lt;/p&gt;&lt;p&gt;Pruoblema pasėruodė tamė, ka patiuos bėndrėnės rašības/kalbuos puoreikis ėšlėikt mėnks. Daugis žemaitiu žemaitėška rašliava mata tik kāp špuosa, kėts dalīks garsē paskelbta idiejė „rašītė tāp kāp šneki“ sokūrė kuožna žmuogaus naklaidingoma: ka ė kāp ožrašīsi – būs teisingā. Vuo jė pruobiji ont kėik paruodītė vėina a kėta kliauza, ta būni pasmerkts kāp dėdliausis ėšsėšuokielis.&lt;/p&gt;&lt;p&gt;Veiziedams i ėšsėkeltus planus ė kas pavīka, tėnk apgailestautė ė pripažintė, ka nieka napavīka. Vėsė ožvestė pruojektā so vertėmās i žemaitiu kalba bėngies ont nagaliejėma ožrašītė „tāp“, pats bėndrėnės rašības pruojekts kāp ė bėngts, ale pasėtarnaus tik idiejuoms kāp tuoliaus darītė. Daugis strateginiu mėsliu kon darītė so kalba lėka naėšgėrstas.&lt;/p&gt;&lt;p&gt;Kėtė metā&amp;hellip; Nažėnau a bie ūkatas dā dėrbtė kažkon. Dā ožbėngso klausimīna aple žemaitiu kalbuos īpatībės, ka ėšlėktom kāp materėjuols. Rast dā papruobīso itrauktė žemaitiu i līkavėma tarptautėnė sistema, ale nalabā matau prasmies, nes pargoldīmā vės tėik būs nagalėmė. Kėtkon darīso, jė pakvėis ė matīso prasmies.&lt;/p&gt;&lt;p&gt;Žemaitėškā rašīso ė tuoliaus – tas ī mona identėteta vėina ėš pamūrėnku. Rašīso kāp ė vėsė - tik savėi.&lt;/p&gt;&lt;p&gt;Kėtās metās žemaitems linko veizietė platiau, nabūtė naklīstontīms ė rastė spieka sotarėmams. Taikuos ❤&lt;/p&gt;</description>
     </item>
   
     <item>
       <title>Diel regresīvėnės asimilēcėjės arba kāp matuonītė dūnininkus</title>
       <link>https://xn--emaitj-m4ab33g.lt/skait%C4%97ne%CC%84/matuonite-dunininkus/</link>
       <pubDate>Wed, 21 Dec 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/matuonite-dunininkus/</guid>
       <description>&lt;p&gt;Regresėnė asimilēcėjė kartās soveik na tik ont „i, u“ ėšlaikīma, pvz., plikis, krupis, ale ė paviediūs dvėgarsiūs ė net pasėtaika dvėbalsiūs.&lt;/p&gt;&lt;p&gt;Nuorietiuo panagrinietė „ei → ėi“ varijanta. Šiaurės žemaitē vėitom tāp ė dėrb, pvz., peilė, Mažeikē, bet pėilis, Mažėikiu. Atruoda kāp ė sistemėškā ė ton gal atvaizdoutė raštė, bet kelė patiemījėmā tuo temuo:&lt;/p&gt;&lt;ul&gt;&lt;li&gt;tas ī tik patiuos šiauriausiuos žemaitiu šnektuos: Skouda, Mažeikiu šnektuos. Grobē līkounont savėvaldībės: 2/15. Tudie, jė laikītėis vėinuodėnėma idiejės, priskirtiuo šėta ėšskėrtėnoma pri mažuos&lt;/li&gt;&lt;li&gt;induomē šėtuo vėituo gaunas so dūnininkās. Jė jau dūnininks skaita dounininka tekstus, ta kāp ė turietom „ėi“ vartaliuotė i savėi soprontama „ī“: dėina → dīna, žėima → žīma. Kas gaunas šėče? pėilis → pīlis, Mažėikiu → Mažīkiu.&lt;/li&gt;&lt;li&gt;pruoblema ė patīms šnektuos nauduotuojīms, jė tāp sovartaliuots žuodielis sotaps so kėto, katramė ė tāp ī „ėi“: pvz. (bėški hiperbolizounont), sėimielis – kas če? Mažos seims a mažos žmuogos, katras sem?&lt;/li&gt;&lt;/ul&gt;&lt;p&gt;Siūlītiuo šėtuos īpatībės i rašta nakeltė – būs aiškiau ė paprastiau, vuo patė regresīvėnė asimilēcėjė paruodītė par kėtus varijantus, katrėi labiau paplėtėn.&lt;/p&gt;&lt;p&gt;&lt;em&gt;Žemielapis ėš Vīniautaitės Sėmuonas daktara disertacėjės „TARMINIO POŽYMIO STATIKA IR DINAMIKA: ŽEMAIČIŲ REGRESYVINĖS BALSIŲ ASIMILIACIJOS ATVEJIS“. 2021, Lietuviu kalbuos instėtots&lt;/em&gt;&lt;/p&gt;</description>
     </item>
   
     <item>
       <title>Darīkem, darīket</title>
       <link>https://xn--emaitj-m4ab33g.lt/skait%C4%97ne%CC%84/darikem-dariket/</link>
       <pubDate>Tue, 29 Mar 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/darikem-dariket/</guid>
       <description>&lt;h3 id=&#34;trumpa&#34;&gt;Trumpā:&lt;/h3&gt;&lt;p&gt;darīk&lt;strong&gt;E&lt;/strong&gt;m, darīk&lt;strong&gt;E&lt;/strong&gt;t&lt;/p&gt;&lt;h3 id=&#34;ėlga&#34;&gt;Ėlgā:&lt;/h3&gt;&lt;p&gt;Bėndrėnont rašuomuojė kalba mėslėjau, ka rēktom keravuotė: na-, ba-, ta- rašīma; tāp, kėtāp, savāp. Pri tuo patė skīriau ė darīkAm, darīkAt. Pasiruoda, ka -am, -at turietom būtė vertėnams atskėrā.Varėjantā: darīkAm, darīkĖm, darīkEm. Platiausē nauduojams darīkEm. Karto tas nie tėisiuogē parvartaliuojama so lietuviu kalbo, ta būtom atskėra žemaitėška īpatībė. Pruopesuorios Pabrieža Juozas palaika -em, -et varėjanta.&lt;/p&gt;</description>
     </item>
   
     <item>
       <title>Pranešėms diel naujė pruojekta</title>
       <link>https://xn--emaitj-m4ab33g.lt/skait%C4%97ne%CC%84/nauje-pruojekta-pranesems/</link>
       <pubDate>Mon, 21 Feb 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/nauje-pruojekta-pranesems/</guid>
       <description>&lt;p&gt;Pavëšėnos pėrmuojė pruojekta aple bėndrėnė žemaiťiu rašība instėtotė pradedams ontruojė pruojekta testavėms – žemaiťiu rašītėnė bėndrėnė kalba vagol unikaliausės (nuogniausės) īpatībės.Tòdie nu sekontė pranešėma keisas rašība – nȧsidīvīkȧt, jė pats nȧpruobīso, ta kètīms siūlītė nȧsinuor 🙂&lt;/p&gt;&lt;hr&gt;&lt;p&gt;Bėndrėnės rašības atėtėkmou bindrinie žemaitiu rašītinie kalbuo:&lt;/p&gt;&lt;ul&gt;&lt;li&gt;ë → ėi, ů → ou&lt;/li&gt;&lt;li&gt;ť → t, ď → d&lt;/li&gt;&lt;li&gt;ȧ → a, ǡ → ā&lt;/li&gt;&lt;li&gt;è → i, ò → u&lt;/li&gt;&lt;li&gt;é → ie&lt;/li&gt;&lt;li&gt;ė̄ → ėn, ō → on&lt;/li&gt;&lt;/ul&gt;&lt;p&gt;Batestoudams pruojekta galo keistė atėtėkmenės ė lauko jūsa patiemijimu, kuokė īpatībė būtom geriau keravuotė.Pirminis plans:&lt;/p&gt;&lt;ul&gt;&lt;li&gt;kertėnė tarmie dounėninku, ta vėsor ėi, ou&lt;/li&gt;&lt;li&gt;afrėkatu nie, rašuom vėsor t, d. Tāp pat tariamuosės nūsakas, vnz., I asabas: darītiuo, skaitītiuo&lt;/li&gt;&lt;li&gt;Plungės, Darbienu, Žarienu na-, ba-, ta-, tāp. Tāp pat: skaitīkat, dėrbkam&lt;/li&gt;&lt;li&gt;keravuojam regresėnė asėmėlēcėjė, ta būtom: plikis, bet plėkė&lt;/li&gt;&lt;li&gt;regresėnė asėmėlēcėjė kėrtioutam „e“: sienis, geriesnis, krūzielis, bet senė, geresnė, krūzelė&lt;/li&gt;&lt;li&gt;nuosėnės pruokalbės ę, ą užrašuom ėn, on. Gal pasėlėktė ė pri ė̄, ō, bet pradiuo pasitestousam tāp. Gal ėšēs vėsā atsėsakītė „ė̄“ ruodbalsės.&lt;/li&gt;&lt;/ul&gt;&lt;p&gt;Vėsas kėtas nuormas kap bėndrėnės rašības pruojektė.&lt;/p&gt;&lt;p&gt;Plana galat papėldītė a kėtāp monėm parkalbietė, ta kuožnos ī laukams&lt;/p&gt;</description>
     </item>
   
     <item>
       <title>Kertėnė tarmie</title>
       <link>https://xn--emaitj-m4ab33g.lt/skait%C4%97ne%CC%84/kertene-tarmie/</link>
       <pubDate>Fri, 18 Feb 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/kertene-tarmie/</guid>
       <description>&lt;p&gt;Žemaiťiu kalba tor trės tarmės: dounèninku, dūnèninku ė donèninku. Bėndrėnē kalbā kertėnė tarmie tor būtė parinkta vëna. Tas nȧznuočėj, ka ėš kètū nȧgalies pajimtė unikaliū žemaitèšku īpatībiu a žuoďiu, bet pamūrenka ont kuo vėskō bodavuotė ė stelgtė sodietė vėsas tuos tarmies īpatībės arba bėnt jau tòrietė pėrmenībė.&lt;/p&gt;&lt;p&gt;Krėterėjē tarmies parinkèmů:&lt;/p&gt;&lt;ul&gt;&lt;li&gt;Tarmie tor būtė nauduojama žemaiťiu, t.ī nauduotuos savèmuonie tor jaustës žemaiťio.&lt;/li&gt;&lt;li&gt;Unikalės žemaitėškas īpatībės, t.ī tòrietom tòrietė ků daugiau žemaitèšku īpatībiu, katruos skèrtůs prīš lietòviu kalba.&lt;/li&gt;&lt;li&gt;Nauduotuoju skaitlingoms – bėndrėnė kalba ėš karta tòrietom tòrietė ků daugiau galonťiu rašītė anuo.&lt;/li&gt;&lt;/ul&gt;&lt;p&gt;Donèninku tarmie ī unikalė, tor daugībė īpatībiu, katruos būdingas tik tam kraštů, ale atmestėna ī diel nȧatėtėkėma dvīm krėterėjam: bȧsiruokůnonťiu donèninku tarmė ī lėkė̄ dėdlē mažā diel istuorėniu aplinkībiu ėr esmėnė detalė – anë savėm nȧlaika žemaitēs.&lt;/p&gt;&lt;p&gt;Dūnėninkā skėlst i do šmuotus: varnèškius ė raseinèškius. Pėrmė̄jē tor daug bèndrībiu so dounėninkās ė galietom karto tòrietė bėndra rašība, vuo raseinėškē kalbėškā daug artėmesnė lietòviu kalbuos vakarū aukštaiťiu tarmē.&lt;/p&gt;&lt;p&gt;Kertènis skėrtoms nu dounèninku būtom ėi, ou ėštarėms kap ī, ū. Tonkē dūnėninkā biedavuojas, ka dvėbalsē anīms maiša ė ka daug paprasťiau rašītė vënbalsiem, ė jė rēktom muokintës bėndrėnės rašības (a bėndrėnės kalbuos vagol dounèninku tarmė), ta vės tëk tektom žènuotė katrūs vëtūs tor būtė tuos ėi, ou. Dounėninkams būtom paprasťiau. Bet jė rašītė vėsor ī, ū ta rastůs daug vënuodu žuoďiu: vīns, pūds, pūlē, žīds, vākū, gondrū.&lt;/p&gt;&lt;p&gt;Kėtas dūnèninku īpatībės fonetėškā tësē arba atėtinkamā atsikartuo dounèninku tarmie. Ta vagol unikaliū īpatībiu krėterėjo atruoda, ka dounèninku tarmie būtom patuogesnė. Ontros dalīks nauduotuoju skaitlingoms: dūnèninku ī mažiau, vuo ė rašliavuos anuo atėtinkamā ī mažiau.&lt;/p&gt;&lt;p&gt;Dounèninku tarmie līgėnont so kètuom tor daug daugiau unikaliū īpatībiu ė kalbonťiūju skaitlingoms ī daug dèdésnis, katrë lēd daug kningu a kètuokiuos rašliavuos sava tarmie. Dā jemont istuorėškā, ta žemaitėškas kalbriedas rašītas XIX omžie ė patė tůmetėnė rašliava (vielesnė) bova ont dounèninku tarmies pamūrenkas.&lt;/p&gt;&lt;p&gt;Kertėnė tarmie bėndrėnē žemaiťiu kalbā tòrietom būtė &lt;strong&gt;dounèninku&lt;/strong&gt;.&lt;/p&gt;</description>
     </item>
   
     <item>
       <title>Dounèninkā mīl dūnèninkus</title>
       <link>https://xn--emaitj-m4ab33g.lt/skait%C4%97ne%CC%84/douneninka-mil-duneninkus/</link>
       <pubDate>Wed, 05 Jan 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/douneninka-mil-duneninkus/</guid>
       <description></description>
     </item>
   
     <item>
       <title>Jė Facebook būtom vagol dūnèninkus</title>
       <link>https://xn--emaitj-m4ab33g.lt/skait%C4%97ne%CC%84/facebook-pale-duneninkus/</link>
       <pubDate>Mon, 03 Jan 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/facebook-pale-duneninkus/</guid>
       <description>&lt;p&gt;A vėsė žemaitē būtom kontėnė, jė Facebook būtom vagol dūnèninkus? Žmuonis nuoriejė mòmis somaltė so žemiems.&lt;/p&gt;</description>
     </item>
   
     <item>
       <title>Tarmies apklausa Facebook&#39;ů</title>
       <link>https://xn--emaitj-m4ab33g.lt/skait%C4%97ne%CC%84/tarmie-facebooku/</link>
       <pubDate>Mon, 03 Jan 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/tarmie-facebooku/</guid>
       <description>&lt;p&gt;„Žemaitėškuo rašlevuo“ bova atlėkta apklausa so pruovuokůnonťio klausėmo „Kuokė tarmė pasirinktė pargoldītė Facebook?“. Kodie pruovuokůnòntis? Rēktom būtė dėdelio egoėsto, ka primestė vėsīms sava tarmė bȧ juokė apsitarėma prīš ton̄. Karto rēk soprastė, ka vënuos tarmies/puotarmės/šnektuos ėškelėms kėtas pastūms i ontra plana.&lt;/p&gt;&lt;p&gt;Bieda ta, ka esont nuorů torietė tuokės pruogramas kap Facebook ėšverstas i žemaiťiu kalba, sprėndėms tor būtė atlėkts. A pasirinkė̄ vëna puotarmė (tėksliau net šnektėkė, nes tor būtė ků mažiau skėrtingu skvarmu), a „sokonstrůtė“ ėš keliū vëna, a tik bėndrėnė rašība nauduotė, bet kažkuoks sprėndėms ėš tū tor būtė prijimts. Ė geriau būtom, ka tas nȧbūtom nukelta i nȧžėnuoma ateitė, nes ků vieliau, tů sunkiau būs: pargoldīms nie šarps rēkals, jaunėma kalba vės daugiau īr aplietovinta.&lt;/p&gt;&lt;p&gt;Ta pradē stombė̄jė rezoltatā (ė liūdniausė): dounèninku tarmė pasirinka 104, vuo dūnèninku tik 10. Gal tas prigol nu audėtuorėjės, gal nu tėkruos situacėjės pëtūs, bet aktīvoma dūnèninku trūkst.&lt;/p&gt;&lt;p&gt;Tuoliau palē puotarmės. Dabā domėnůn telšėškē so 60 (nȧ Telšiū rajuona gīventuojus, bet puotarmė, katra apjung Skůda, Mažeikius, Akmenė, Telšius), daug pasisakė už kretinèškius 44 (apjung Kretinga, Salontus, Plungė, Rëtava), už varnèškiu tarmė pasisakė 8 (Šėlalė, Varnē, Koršienā) ė tik 2 už raseinèškius (Tauragie, Raseinē, Kelmė).&lt;/p&gt;&lt;p&gt;Ka bova induomē këk prieteliu pasisakīs už rašīma „na-, tāp“, ta telšėškē dā bova paskaidītė. Už „ne-, tēp“ pasisakė 46, vuo už „na-, tāp“ 14. Bet šėtuo vëtuo dā rēktom patėkrintė, nes varnèškiu tarpė ėrgė saka „na-, tāp“.&lt;/p&gt;&lt;p&gt;Dā vīliaus, ka atsėras papėlduomu pasirinkėmu, bet prietelē tů nȧpasinauduojė.&lt;/p&gt;&lt;p&gt;Galo tik pasidžiaugtė, ka pasirinkėma „duonèninku“, ale lietoviu, ė pasirinkėma, ka rašītė betkāp, nȧbova ni vëna.&lt;/p&gt;&lt;p&gt;&lt;img src=&#34;https://xn--emaitj-m4ab33g.lt/images/tarmies_apklausa/1.png&#34; alt=&#34;apklausa 1/2&#34;&gt;&lt;img src=&#34;https://xn--emaitj-m4ab33g.lt/images/tarmies_apklausa/2.png&#34; alt=&#34;apklausa 2/2&#34;&gt;&lt;/p&gt;</description>
     </item>
   
     <item>
       <title>Telšèškiu i/u</title>
       <link>https://xn--emaitj-m4ab33g.lt/skait%C4%97ne%CC%84/telseskiu-i-u/</link>
       <pubDate>Mon, 03 Jan 2022 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/telseskiu-i-u/</guid>
       <description>&lt;p&gt;Par apklausa pasimatė ont këk žmuonis nauduo telšèškiu tarmė. Anuos vëna pagrindėniu īpatībiu ī kaitaliuojėms i/ė ėr u/o vagol galūnė. Diel dėdelė skaitlė nauduotoju rēk, ka ė tas būtom atvaizdůta bèndrènie rašībuo.&lt;/p&gt;&lt;p&gt;Tas gal būtė itraukos dā papėlduomas ruodbalsės: è ėr ò, katruom būtom žīmėmas i ėr u telšèškiu, vuo kretingėškē torietom tuoliau skaitītė kap ė ėr o. Pri tuo patė kėlė̄ ėš nuosėniu torietom atėtinkamā atsivaizdůtė: žò̄sis (lt. žąsys) ė to skè̄sti (lt. tu skęsti).&lt;/p&gt;&lt;p&gt;Dā nà vėsks. sienis ė krūzielis prašuos dā vënuos: é: sénis ė krūzélis.&lt;/p&gt;&lt;p&gt;Jė dā megintė soveizietė e/ė kėtėma, ta gal isivestė ê ė gautůs sêki, bet tas par daug apkraun ė skėrtoms tarp e/ė ī mažos, dā prisimėnos, ka latviu kalbuo vės tëk raša e/ē, rēk palėktė e.&lt;/p&gt;&lt;p&gt;Tuoks „pratortėnėms“ ruodbalsiem sokel mėsliu a gero kelio ēnam. Ėš vënuos posės, tas karto so aiškiuom taisīkliem keravuotom žemaitėška īpatībė, bet karto dėrb rašība sodietingesnė. Dā ė vėsas taisīklės nie aiškės. Praďiuo rēk pasibondītė, bet ė tů paťio rēk pamėslītė api strategėjė kāp tor būtė korama bėndrėnė rašība. Rasintās gal sotartė, ka vėsās būdās būtom rašuoma ė,o, vuo vagol tuolésni balsi žmuogos nujaustom kāp rēk ėštartė. Rast tuoks platē nauduojams sienis ė krūzielis galietom tǡp ė rašītës, bet če rēktom dėdésnė žmuoniū isitraukėma ė ka anë pasakītom sava nūmuonė.&lt;/p&gt;&lt;h3 id=&#34;papėldita-2024-12-28&#34;&gt;PAPĖLDĪTA 2024-12-28&lt;/h3&gt;&lt;p&gt;Pasėruoda kėtėms būn nȧ vėn &lt;em&gt;e/ie&lt;/em&gt;, ale dā ėr &lt;em&gt;e/ie/ė&lt;/em&gt;. Teisingiausē tuokīms garsams būtom parinktė žėnkla: &lt;strong&gt;ê&lt;/strong&gt;. Būtom: &lt;em&gt;sênis, krūzêlis, gerêsni&lt;/em&gt;&lt;/p&gt;&lt;p&gt;Jė dėdlē veizietė tu kėtėmus, ta pasiaurėnėmus &lt;em&gt;e/ė&lt;/em&gt; galietom žīmietė: &lt;strong&gt;ẹ&lt;/strong&gt;. Būtom: &lt;em&gt;to dẹdi, čẹ, dīdẹlis, gẹrêsni&lt;/em&gt;&lt;/p&gt;</description>
     </item>
   
     <item>
       <title>Kāp rašītė Lietova?</title>
       <link>https://xn--emaitj-m4ab33g.lt/skait%C4%97ne%CC%84/lietova/</link>
       <pubDate>Mon, 27 Dec 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/lietova/</guid>
       <description>&lt;p&gt;Facebook&amp;rsquo;ė „Žemaitėškuo rašliavuo“ bova atlėkta apklausa kāp tor būtė rašuoms Lietovuos vards. Žiaurē gers bova patiemījėms, ka „lëtovā“ – rakonds sūriů spaustė (lëtė). Patis rašiem „Lëtova“, t.ī Lėitova arba Lītova, jė palē dūnėninkus. Nu dabā rašīsȧm „Lietova“.&lt;/p&gt;</description>
     </item>
   
     <item>
       <title>Dvėbalsē žemaiťiu kalbuo</title>
       <link>https://xn--emaitj-m4ab33g.lt/skait%C4%97ne%CC%84/dvebalse/</link>
       <pubDate>Thu, 23 Dec 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/dvebalse/</guid>
       <description>&lt;p&gt;Kuokë ī dvėbalsē žemaiťiu kalbuo?&lt;/p&gt;&lt;ul&gt;&lt;li&gt;AI - kaist, laikītė, paišielis&lt;/li&gt;&lt;li&gt;AU - mautė, klausėms, gauda&lt;/li&gt;&lt;li&gt;EI - keistė, peilis, seilė&lt;/li&gt;&lt;li&gt;IE - šieps, miests, bieda&lt;/li&gt;&lt;li&gt;OI - kloika, poikē, loinīs&lt;/li&gt;&lt;li&gt;UO - žuodis, bruolis, ruodītė&lt;/li&gt;&lt;/ul&gt;&lt;p&gt;Tarptautėniūs žuoďius:&lt;/p&gt;&lt;ul&gt;&lt;li&gt;EU - Euruopa, eufuorėjė&lt;/li&gt;&lt;li&gt;OU - šou (rėngėnīs)&lt;/li&gt;&lt;/ul&gt;&lt;p&gt;Dounėninkā dā tor OU, ĖI, bet dūnėninkā tar Ū, Ī. Bėndrėnie rašībuo siūluoma rašītė Ů, Ë:&lt;/p&gt;&lt;ul&gt;&lt;li&gt;Ë - žëds, pëns, dëna&lt;/li&gt;&lt;li&gt;Ů - důna, šů, důtė&lt;/li&gt;&lt;/ul&gt;&lt;p&gt;Bet rašont paprastuo rašībuo dounėninkā rašīs: &lt;em&gt;žėids, pėins, dėina, douna, šou, doutė/douti/dout&amp;rsquo;&lt;/em&gt;, vuo dūnėninkā: &lt;em&gt;žīds, pīns, dīna, dūna, šū, dūtė/dūti/dūt&#39;&lt;/em&gt;&lt;/p&gt;&lt;p&gt;Tonkē pasitaika užrašīmu, katrë nie teisingi: &lt;em&gt;iė, iē, uō, ov (pvz., diekov), īe, uõ&lt;/em&gt;&lt;/p&gt;&lt;p&gt;Žėnuomās, raštė gal atruodītė kāp dvėbalsis, bet tor do skëmenis, pvz., iētė → i-ē-tė&lt;/p&gt;</description>
     </item>
   
     <item>
       <title>Žemaiťiu sorašīms 2021</title>
       <link>https://xn--emaitj-m4ab33g.lt/skait%C4%97ne%CC%84/sorasims-2021/</link>
       <pubDate>Tue, 21 Dec 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/sorasims-2021/</guid>
       <description>&lt;p&gt;Paskelbė oficēlē sorašīma důmenis. Šėts sorašīms bova vīkduoms apklausuos skvarmuo, ta lëkt daug vëtas interpretacėjē.&lt;/p&gt;&lt;p&gt;Praďiuo, ka prietelē patis toriejė jungtës pri kompioterė ė taisītė sava tautībė. Nȧ vėsi ton̄ imeigė, bet ėš kėtuos posės, ta žemaitē nuoriejė būtė atsižīmiejė̄, ta tas gal konpensůtė.&lt;/p&gt;&lt;p&gt;Apklausti bova 171 tūkst. žmuoniū.&lt;/p&gt;&lt;p&gt;Ėš anū nuruodė tautībės pataisīmus 681 prietelis, katrë nuruodė tǡp:&lt;/p&gt;&lt;ul&gt;&lt;li&gt;žemaitē –  579&lt;/li&gt;&lt;li&gt;žemgalē – 56&lt;/li&gt;&lt;li&gt;koršē – 19&lt;/li&gt;&lt;li&gt;prūsā – 10&lt;/li&gt;&lt;li&gt;aukštaitē – 8&lt;/li&gt;&lt;li&gt;dzūkā – 5&lt;/li&gt;&lt;li&gt;sovalkietē – 4&lt;/li&gt;&lt;/ul&gt;&lt;p&gt;Ėš vėsa bova sorašīts 2810761 gīventuos.&lt;/p&gt;&lt;p&gt;Ta palē statėstėnė pruopuorcėjė gaunas (skliausteliūs 2011 metu sorašīma důmenis):&lt;/p&gt;&lt;ul&gt;&lt;li&gt;žemaitē – 9517 (2169)&lt;/li&gt;&lt;li&gt;žemgalē – 920 (-)&lt;/li&gt;&lt;li&gt;koršē – 312 (3)&lt;/li&gt;&lt;li&gt;prūsā – 164 (-)&lt;/li&gt;&lt;li&gt;aukštaitē – 131 (3)&lt;/li&gt;&lt;li&gt;dzūkā – 82 (9 + 2 juotvingems)&lt;/li&gt;&lt;li&gt;sovalkietē – 66 (2)&lt;/li&gt;&lt;/ul&gt;&lt;p&gt;A gal darītė če pruopuorcėjė – klausėms, bet jė nȧbova apklaustė vėsi gīventuojē, ta sakītė, ka 4 kartus somažiejė žemaiťiu ėrgė nȧgal.&lt;/p&gt;&lt;hr&gt;&lt;h3 id=&#34;papėldita-2021-12-23&#34;&gt;PAPĖLDĪTA 2021-12-23&lt;/h3&gt;&lt;p&gt;Dā kėtǡp gal skaitliůtė. Apklausa bova sodarīta ėš 2 šmuotu. Kor patis regėstravuos ė statėstėnis tīrėms, kor apklausė pruopuorcingā vėsa Lietova. Tam ontram šmuotė ėš 115 tūkst. apklaustū bova 63 žemaitē&amp;hellip; Tuokiuo pruoporcėjuo paskaitliavus ont vėsuos Lietovuos lëkt tik 1534 žmuonis.&lt;/p&gt;&lt;hr&gt;&lt;h3 id=&#34;papėldita-2021-12-26&#34;&gt;PAPĖLDĪTA 2021-12-26&lt;/h3&gt;&lt;p&gt;Gavau atsakīma ėš statėstėkas departamėnta, kāp rēk skaitliůtė ont vėsuos Lietovuos.&lt;/p&gt;&lt;p&gt;Nikāp - par mažos sklaitlios apklaustū. Tësiuog ī fakts, ka žemaitēs užsirašė 579 žmuonis. Līgintė so praēto sorašīmo ėrgė nȧgal, nes tėn bova apklausti vėsė žmuonis 🙁&lt;/p&gt;</description>
     </item>
   
     <item>
       <title>Žemaitē paviedè i cėguonus</title>
       <link>https://xn--emaitj-m4ab33g.lt/skait%C4%97ne%CC%84/paviede-i-ceguonus/</link>
       <pubDate>Mon, 29 Nov 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/paviede-i-ceguonus/</guid>
       <description>&lt;p&gt;Ků žemaitē paviedi (lt. panašūs) i ruomus, mūsa vadėnamus cėguonus? Veiziejau „Kalbuos klobs“ laidalė api anus ė tėn tevernuojė kuokius klapatus anë tor nuoriedami rašītė sava kalbuo. Ruomā Lëtovuo tǡp pat nȧtor bėndrėnės rašuomuosės kalbuos. Ī net dvė galȧm sakītė skėrtingė kalbė, dā gīvs gals tarmėkiu. Tǡp pat muokīkluosė nie vākā muokami anū kalbuos (Vėngrėjuo ruomu kalba diestuoma net universėtetė).&lt;/p&gt;&lt;p&gt;Šindënėnie Lëtovuo ruomu šarpē mažie – anë emėgrůn, vuo lėkė̄ rosie. Anū kalbuo daugie rosėzmu. Par gīventuoju sorašīma ruomās užsirašė api 2000, vuo muokonťiu sava gimta kalba api tūkstonti.&lt;/p&gt;&lt;p&gt;Laiduo pasidžiaugė ruomu korība, bet pasigeda tīrėmās api dabartėnė anuos sėtuacėjė. Ė tuo vëtuo Vėdūns Vītis pasakė, ka pėrmiausē tor būtė ėštėrėnieta fonetėka, leksėka, këk ī tarmiū, anas aprašītė ė tǡp tuoliau ė tėk tumet galies ruokůtës api kažkuoki standartėzavėma. Šėtuo vëtuo žemaitē ruomus lėnk ė matau, ka mȧs esam ont slėnkstė, kor tas standarts jau gal būtė ëškuoms.&lt;/p&gt;</description>
     </item>
   
     <item>
       <title>Nȧfėksouta kalba</title>
       <link>https://xn--emaitj-m4ab33g.lt/skait%C4%97ne%CC%84/nafeksouta-ruoda/</link>
       <pubDate>Wed, 17 Nov 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/nafeksouta-ruoda/</guid>
       <description>&lt;p&gt;Veizont ėš istuorėjės posės, ta kuol kalba nȧbūs fėksůta, tuol vīks anuos kėtėms. Žemaiťiu kalba tik arties pri lëtoviu. Kodie rašība fuonetėnė bluoga šindënā? Jimkȧm, ka ė smolkės tarmelės, katruos kāp ė „keravuojamas“ so tuokio atskėro rašīmo, ale nesont daug tekstu anuo nie  ana augėnama, nie fėksůnama ė praded niveliůtës. Gerā, jė dā so kėta tarmė žemaitėška, ale tonkiau būn, ka paprasťiau pasijimtė „standartėnė“ kalba, katruo nȧbie juokiū klausėmu ė tësiuog žėnā kāp rašītė (a pasakītė) taisėklingā. Tǡp pamėslėjos, ta naujuovės nie juokės kliauzas, nes&amp;hellip; tǡp šnek dabā nie če kuo graibstītës arkajėzmu, gė XXI omžios.&lt;/p&gt;&lt;p&gt;Nuoront, ka kalbėnė sėstema ėšlėktom, rēk anon̄ pateiktė tǡp, ka būtom galėmībė patėkrintė a teisingā užrašīts (arba pasakīts) vëns a kėts žuodielis. Paprasťiausis sakėnielis žemaitėškā, dailē užrašīts konkreťiuo tarmie jau kor luobīna ėš katruo gal darītė žuodīnus a rašītė kalbrieda muokėnėmůsi. Tik kon̄ darītė, ka Žemaiťiūs ī bėnt jau 6 stombiesnės tarmės ė tektom anas vėsas atskėrā aprašėnietė. Jė žemaiťiu ī kuoks posė mėlėjuona, ta padalėnos ėš šešiū - audėtuorėjė, katrā tas torietom rūpietė, tėrpst smarkē. Lëkt vëns kels - apjungtė.&lt;/p&gt;&lt;p&gt;Kāp apjungtė? Jė žemaitē nȧbūtom tuokë užsispīrė̄ ė nȧgintom aklā sava kėtuonėška ėštarėma (ka ė naujuovė sava kalbuo, katra arda žemaiťiu kalba), ta sotartomiem. Rēktom šarpē ataktė, ka pu vëna mȧs nugalůsma sava kalba.&lt;/p&gt;&lt;p&gt;A bėndrėnė kalba kortomiem palē kuokė vëna tarmė, a somaišītomiem vėsas i vëna pasirinkdami labiausē paplėtosės skvarmas (arba archajėškiausės), a praďiuo tik bėndra rašība prijimtomiem, ka keravuotė kuožna žemaiťiu dėdliesnė tarmė - če nie tǡp svarbē. Svarbiau ī pradietė kažkon̄ darītė, kuol žemaiťiu kalba nȧatgolė i muokslėnės disertacėjės api tuokė bovosė kalba, katra ėšninka laika verpetūs.&lt;/p&gt;</description>
     </item>
   
     <item>
       <title>Nauji klavētūra Windows 10</title>
       <link>https://xn--emaitj-m4ab33g.lt/skait%C4%97ne%CC%84/nauji-klavetura-win-10/</link>
       <pubDate>Wed, 29 Sep 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/nauji-klavetura-win-10/</guid>
       <description>&lt;p&gt;Jūsa diemesiů naus klavētūras ėšdiestīms Windows 10 operacėnē sėstemā.&lt;/p&gt;&lt;p&gt;Galȧt atsėsiūstė ėš če: &lt;a href=&#34;https://xn--emaitj-m4ab33g.lt/sgs_v3.zip&#34;&gt;sgs_v3.zip&lt;/a&gt;&lt;/p&gt;&lt;p&gt;Žėnuomās če nie oficēlos, ta nie galėmībės pridietė pu „Žemaiťiu“, ale teka pri „Lietuvių“ prišriūbītė. Ons pėlnā pakeit lëtovėška īprasta ėšdiestīma, nes šalėp lëtovėškū raiďiū atsirond ė žemaitėškas.&lt;/p&gt;&lt;p&gt;Pats princėps rašīma ī tuoks, ka rašā ėlgėnama raidė ė tumet spaudi ` (kairie, vėršů pri 1). Kėtas mondresnės ruodbalsės gaunamas laikont dešėni Alt mīgtoka arba ctrl+alt, jė tuokė nie. Tuos mondresnės ī pu:&lt;/p&gt;&lt;ul&gt;&lt;li&gt;q - ë&lt;/li&gt;&lt;li&gt;w - ů&lt;/li&gt;&lt;li&gt;e - €&lt;/li&gt;&lt;li&gt;t - ť&lt;/li&gt;&lt;li&gt;a - ȧ&lt;/li&gt;&lt;li&gt;d - ď&lt;/li&gt;&lt;/ul&gt;&lt;h2 id=&#34;ėšdiestims&#34;&gt;Ėšdiestīms&lt;/h2&gt;&lt;p&gt;&lt;strong&gt;Īprasts ėšdiestīms&lt;/strong&gt;&lt;img src=&#34;https://xn--emaitj-m4ab33g.lt/images/sgs_v3/layout1.jpg&#34; alt=&#34;Īprasts ėšdiestīms&#34;&gt;&lt;/p&gt;&lt;p&gt;&lt;strong&gt;Laikont AltGr ėšdiestīms&lt;/strong&gt;&lt;img src=&#34;https://xn--emaitj-m4ab33g.lt/images/sgs_v3/layout2.jpg&#34; alt=&#34;Laikont AltGr ėšdiestīms&#34;&gt;&lt;/p&gt;&lt;h2 id=&#34;dëgėms&#34;&gt;Dëgėms:&lt;/h2&gt;&lt;ul&gt;&lt;li&gt;parsiuntė &lt;a href=&#34;https://xn--emaitj-m4ab33g.lt/sgs_v3.zip&#34;&gt;sgs_v3.zip&lt;/a&gt; faila ėš důtuos nūruodas&lt;/li&gt;&lt;li&gt;ėšarkīvůni ėr iēni i „sgs“ kataluoga&lt;/li&gt;&lt;li&gt;spaudi „setup“&lt;/li&gt;&lt;li&gt;jė ėššuok longs, a sotinkė leistė nȧžėnuoma pruograma - lēdi&lt;/li&gt;&lt;li&gt;atsiradosiam dëgėma longė spaudā „next“ ė galū galė „close“&lt;/li&gt;&lt;li&gt;tuoliau, jė dā klavētūras pasirinkėms nȧatsirada, ta spaudi apaťiuo ont kalbuos pasirinkėma ėr ēni i „Kalbos nuostatos“&lt;/li&gt;&lt;li&gt;pažymi „lietuvių“ ė spaudi „parinktys“&lt;/li&gt;&lt;li&gt;tumet spaudi „parinkti klaviatūrą“ ė pridedi „Lithuanian keyboard with Samogitian (sgs) support“&lt;/li&gt;&lt;li&gt;dabā jau torietom būtė&lt;/li&gt;&lt;/ul&gt;&lt;p&gt;&lt;img src=&#34;https://xn--emaitj-m4ab33g.lt/images/sgs_v3/1.png&#34; alt=&#34;dėigėma seka 1/6&#34;&gt;&lt;img src=&#34;https://xn--emaitj-m4ab33g.lt/images/sgs_v3/2.png&#34; alt=&#34;dėigėma seka 2/6&#34;&gt;&lt;img src=&#34;https://xn--emaitj-m4ab33g.lt/images/sgs_v3/3.png&#34; alt=&#34;dėigėma seka 3/6&#34;&gt;&lt;img src=&#34;https://xn--emaitj-m4ab33g.lt/images/sgs_v3/4.png&#34; alt=&#34;dėigėma seka 4/6&#34;&gt;&lt;img src=&#34;https://xn--emaitj-m4ab33g.lt/images/sgs_v3/5.png&#34; alt=&#34;dėigėma seka 5/6&#34;&gt;&lt;img src=&#34;https://xn--emaitj-m4ab33g.lt/images/sgs_v3/6.png&#34; alt=&#34;dėigėma seka 6/6&#34;&gt;&lt;/p&gt;</description>
     </item>
   
     <item>
       <title>Kodie nȧkeravuotė donėninku tarmies</title>
       <link>https://xn--emaitj-m4ab33g.lt/skait%C4%97ne%CC%84/nakeravuote-donininku/</link>
       <pubDate>Thu, 25 Feb 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/nakeravuote-donininku/</guid>
       <description>&lt;p&gt;Pu kara senė̄ji žmuonis ėš Klaipiedas krašta prapůlė ėr i anū vëtas atsikielė ėš vėsuos Lietovuos. Dėďiuojė prėčīna nȧkeravuotė ī ėšlėkosiu nȧskaitlingoms. Ontros dalīks, ka donėninku tarmie smarkiau skėras nu dounėninku a dūnėninku nē anodvė lėkosės tarposavie. Trets dalīks – savėmuonė. Donėninka savėm nȧlaika žemaitēs, vuo vadėn savėm šėšuonėškēs, lietovninkās, klaipiedėškēs.&lt;/p&gt;&lt;p&gt;Ėš kėtuos posės vënuodėnėmů siūluomi pakeitėmā kažkëk tink ė donėninkams, pvz., dōna → důna, dė̄na → dëna. Donėninkā tas lėteras valėj skaitītė vagol savėm.&lt;/p&gt;</description>
     </item>
   
     <item>
       <title>Mūsa domens – laimietuos</title>
       <link>https://xn--emaitj-m4ab33g.lt/skait%C4%97ne%CC%84/domens/</link>
       <pubDate>Tue, 16 Feb 2021 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/domens/</guid>
       <description></description>
     </item>
   
     <item>
       <title>Naus laikraštis „Ruoda“</title>
       <link>https://xn--emaitj-m4ab33g.lt/skait%C4%97ne%CC%84/naus-laikrastis-ruoda/</link>
       <pubDate>Fri, 20 Feb 2015 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/naus-laikrastis-ruoda/</guid>
       <description>&lt;p&gt;Nuoro pasveikintė vėsus žemaiťius, solaukosius pėrmuojė žemaitėška laikraštė daugiau nē pu 20 metu partraukas. Paskiau, ka laikraštis žemaiťiu kalbuo „A mon sakā?“ 1993 metās parsikeitė i žornala lietoviu kalbuo „Žemaičių žemė“, nȧblėka juokė vën žemaiťiu kalbuo leidama perijuodėnė leidėnė. Tuodie pu 22 metu partraukas Jūsa „teismů“ pateikams atgimstontė žemaitėška žuodė perijuodėkas leidėnīs.&lt;/p&gt;&lt;p&gt;Bova sosideliuojos vėsėškā nȧnuormalė padietis, ka atskėra tauta, katrā, skėrtingā vertėnont, priklausa nu posės milijuona lėg milijuona prieteliu, torontė sava kalba ė rašta, nȧtoriejė ni vënuos žemaitėškas televėzėjės, ni vëna žemaitėškā bȧsiruokůnontės radėjės ė ni vëna žemaitėškā rašontė laikraštė. Mėslėjo, atskėrū laidū a straipsniu, pasiruodonťiu lietovėškā rašonťiuo žėniasklaiduo, tėkrā nie gana, nuoront ėšlaikītė žemaitėškoma, jau nȧruokůnont aple anuos stėprėnėma. Tuodie laikraštis „Ruoda“ megins užpėldītė šėtō toštoma ė straipsnius so navīnuom rašīs vën tik žemaiťiu kalbuo.&lt;/p&gt;&lt;p&gt;Dabā laikraštis nȧmuokamā būs platėnams Telšiūs: 6 000 egzėmpliuoriu tiražo, 2 sīkio par mienesi. Stėngsȧmuos, ka leidėnīs pasëktom truobas daugelė telšėškiu, ale, jė diel kažkuokiū prīžasťiū laikraštis i Jūsa nomus nȧatkeliaus, Jūs vėsumet galiesȧt anō rastė alkierie &lt;a href=&#34;https://www.ruoda.lt&#34;&gt;www.ruoda.lt&lt;/a&gt; ė parsiūstė savë.&lt;/p&gt;&lt;p&gt;Ka laikraštis nȧmuokams īr, ta pragīvenėmů mums dėdlē svarbė Jūsa parama. Jė leidėnīs Jums patėka, parėmtė mumis galȧt siūsdami žėnotė nomerio 1398 ėr irašė̄ žuodi RUODA (žėnotės kaina – 0.29 € (1 LT)). Tǡp pat užsisakėniedami paslaugas arba prekės ėš mūsa reklamas užsakuovu, Jūs tësiuogē remat laikrašti „Ruoda“ ė žemaitėška žuodi.&lt;/p&gt;&lt;p&gt;Tėkȧmuos, ka „Ruoda“ Jums patėks ė laikraštis padies kuožnam taptė dėdlesnio Žemaitėjės patrėjuoto. Parfrazůdams Lietovuos krepšėnė rinktėnės šūki, kvëto ė Jus bėnt galvuo ėštartė: „Aš – ož ŽEMAITĖJĖ“.&lt;/p&gt;&lt;p&gt;Daugiau aple laikrašti galȧt pasiskaitītė anuo alkierie &lt;a href=&#34;http://www.ruoda.lt&#34;&gt;www.ruoda.lt&lt;/a&gt;. Anamė rasȧt ė alektruonėnė leidėnė versėjė.&lt;/p&gt;</description>
     </item>
   
     <item>
       <title>Žemaitėška klavētūra</title>
       <link>https://xn--emaitj-m4ab33g.lt/skait%C4%97ne%CC%84/zemaiteska-klavetura/</link>
       <pubDate>Fri, 15 Aug 2014 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/zemaiteska-klavetura/</guid>
       <description>&lt;p&gt;Pėrmiausė bieda so katra sosidor rašontis žemaitē īr kāp parašītė specėfėnė ruodbalsė (tǡp Daukonts vadėna raidė). Žemaiťiu kalbuo īr 32 ruodbalsės palē A.Gėrdenė ė J.Pabriežas siūluoma rašība:&lt;/p&gt;&lt;p&gt;&lt;strong&gt;A a&lt;/strong&gt; [ā] &lt;strong&gt;Ā ā&lt;/strong&gt; [ėlguojė ā] &lt;strong&gt;B b&lt;/strong&gt; [bė] &lt;strong&gt;C c&lt;/strong&gt; [cė] &lt;strong&gt;Č č&lt;/strong&gt; [čė] &lt;strong&gt;D d&lt;/strong&gt; [dė]&lt;strong&gt;E e&lt;/strong&gt; [ē] &lt;strong&gt;Ē ē&lt;/strong&gt; [ėlguojė ē] &lt;strong&gt;Ė ė&lt;/strong&gt; [ė̄] &lt;strong&gt;Ė̄ ė̄&lt;/strong&gt; [ėlguojė ė̄] &lt;strong&gt;F f&lt;/strong&gt; [ėf] &lt;strong&gt;G g&lt;/strong&gt; [gė / gie]&lt;strong&gt;H h&lt;/strong&gt; [hā] &lt;strong&gt;I i&lt;/strong&gt; [ī] &lt;strong&gt;Ī ī&lt;/strong&gt; [ėlguojė ī] &lt;strong&gt;J j&lt;/strong&gt; [jot] &lt;strong&gt;K k&lt;/strong&gt; [kā] &lt;strong&gt;L l&lt;/strong&gt; [ėl]&lt;strong&gt;M m&lt;/strong&gt; [ėm] &lt;strong&gt;N n&lt;/strong&gt; [ėn] &lt;strong&gt;O o&lt;/strong&gt; [ō] &lt;strong&gt;Ō ō&lt;/strong&gt; [ėlguojė ō] &lt;strong&gt;P p&lt;/strong&gt; [pė] &lt;strong&gt;R r&lt;/strong&gt; [ėr]&lt;strong&gt;S s&lt;/strong&gt; [ės] &lt;strong&gt;Š š&lt;/strong&gt; [ėš] &lt;strong&gt;T t&lt;/strong&gt; [tė] &lt;strong&gt;U u&lt;/strong&gt; [ū] &lt;strong&gt;Ū ū&lt;/strong&gt; [ėlguojė ū] &lt;strong&gt;V v&lt;/strong&gt; [vė]&lt;strong&gt;Z z&lt;/strong&gt; [zė / zet] &lt;strong&gt;Ž ž&lt;/strong&gt; [žė / žet]&lt;/p&gt;&lt;p&gt;Bieda īr ėlguosės (ā, ē, ė̄, ī, ō) balsės.&lt;/p&gt;&lt;h2 id=&#34;1-būds&#34;&gt;1 būds&lt;/h2&gt;&lt;p&gt;Pats paprasčiausis ė karto prasčiausis īr nauduotė esamas lietovėškas raidės, t.ī rašītė vëtuo &lt;strong&gt;ā&lt;/strong&gt; - aa, &lt;strong&gt;ē&lt;/strong&gt; - ee, &lt;strong&gt;ė̄&lt;/strong&gt; - ėė, &lt;strong&gt;ī&lt;/strong&gt; - y, &lt;strong&gt;ō&lt;/strong&gt; - oo. &lt;strong&gt;ū&lt;/strong&gt; lietoviu kalbuo nauduojama, ta anō ė rašuom tǡp.&lt;/p&gt;&lt;h2 id=&#34;2-būds&#34;&gt;2 būds&lt;/h2&gt;&lt;p&gt;Nauduotė latvėška klavētūras ėšdiestīma. Ėlguosės balsės pasikavuojosės ont paprastū balsiu, tik rēk tů meto nuspaustė &lt;strong&gt;&lt;em&gt;AltGr&lt;/em&gt;&lt;/strong&gt; (dešėnīs Alt) mīgtoka. Šėtuoks rašīms gers tuol, kuol rēk &lt;strong&gt;ė&lt;/strong&gt; ėr &lt;strong&gt;ė̄&lt;/strong&gt; ruodbalsiu. Diel pėrmuosės, ta galėma parsijungtė i lietovėška klavētūras ėšdiestīma, vuo ėlguosės &lt;strong&gt;ė̄&lt;/strong&gt; nie.&lt;/p&gt;&lt;h2 id=&#34;3-būds-so-windowsas&#34;&gt;3 būds so Windows&amp;rsquo;ās&lt;/h2&gt;&lt;p&gt;Jė nauduojat Windows operacėnė sistema, ta rašont lietovėškuo klavētūruo galėmas &lt;strong&gt;&lt;em&gt;AltGr&lt;/em&gt;&lt;/strong&gt; ė skaitliu kuombėnacėjės:&lt;/p&gt;&lt;ul&gt;&lt;li&gt;&lt;strong&gt;&lt;em&gt;AltGr + 0226&lt;/em&gt;&lt;/strong&gt; → ā&lt;/li&gt;&lt;li&gt;&lt;strong&gt;&lt;em&gt;AltGr + 0231&lt;/em&gt;&lt;/strong&gt; → ē&lt;/li&gt;&lt;li&gt;&lt;strong&gt;&lt;em&gt;AltGr + 0238&lt;/em&gt;&lt;/strong&gt; → ī&lt;/li&gt;&lt;li&gt;&lt;strong&gt;&lt;em&gt;AltGr + 0244&lt;/em&gt;&lt;/strong&gt; → ō&lt;/li&gt;&lt;li&gt;&lt;strong&gt;&lt;em&gt;AltGr + 0194&lt;/em&gt;&lt;/strong&gt; → Ā&lt;/li&gt;&lt;li&gt;&lt;strong&gt;&lt;em&gt;AltGr + 0199&lt;/em&gt;&lt;/strong&gt; → Ē&lt;/li&gt;&lt;li&gt;&lt;strong&gt;&lt;em&gt;AltGr + 0206&lt;/em&gt;&lt;/strong&gt; → Ī&lt;/li&gt;&lt;li&gt;&lt;strong&gt;&lt;em&gt;AltGr + 0212&lt;/em&gt;&lt;/strong&gt; → Ō&lt;/li&gt;&lt;/ul&gt;&lt;p&gt;Jė dā nuorȧt parašītė panašiuom raidiem, kāp šėtam alkierie (&lt;strong&gt;ë&lt;/strong&gt;, &lt;strong&gt;ů&lt;/strong&gt;), ta galėma:&lt;/p&gt;&lt;ul&gt;&lt;li&gt;&lt;strong&gt;&lt;em&gt;AltGr + 0203&lt;/em&gt;&lt;/strong&gt; → Ë&lt;/li&gt;&lt;li&gt;&lt;strong&gt;&lt;em&gt;AltGr + 0235&lt;/em&gt;&lt;/strong&gt; → ë&lt;/li&gt;&lt;li&gt;&lt;strong&gt;&lt;em&gt;AltGr + 0366&lt;/em&gt;&lt;/strong&gt; → Ů&lt;/li&gt;&lt;li&gt;&lt;strong&gt;&lt;em&gt;AltGr + 0367&lt;/em&gt;&lt;/strong&gt; → ů&lt;/li&gt;&lt;/ul&gt;&lt;p&gt;Daugiau tuokiū kombėnacėju gal prisilasiuotė &lt;a href=&#34;http://www.mvdmoosdijk.nl/Misc/Altcodes/Alt-codes_for_characters.htm&#34;&gt;če&lt;/a&gt;. Bieda so ėlga &lt;strong&gt;ė̄&lt;/strong&gt; ėšlëkt. Dā bieda, jė klavētūruo nie atskėruos numeriu klavetūras (en. NumPad).&lt;/p&gt;&lt;h2 id=&#34;4-būds-so-windowsas&#34;&gt;4 būds so Windows&amp;rsquo;ās&lt;/h2&gt;&lt;p&gt;Jė nauduojat Windows operacėnė sistema, ta galėma parsėsiūstė &lt;a href=&#34;https://xn--emaitj-m4ab33g.lt/baltic.zip&#34;&gt;Baltic klavētūras ėšdiestīma&lt;/a&gt;. Šėta klavētūras ėšdiestīma daugiausē nauduojė „Vikipedėjė žemaitėška“ pruojektė. Anamė sodieta lietovėšks ė latvėšks (ė prūsėšks) klavētūras ėšdiestīma ė so &lt;strong&gt;&lt;em&gt;AltGr + q&lt;/em&gt;&lt;/strong&gt; gaunas ėlguojė &lt;strong&gt;ė̄&lt;/strong&gt;. Latvėškas (ėlguosės balsės) ruodbalsės gaunas so &lt;strong&gt;&lt;em&gt;AltGr&lt;/em&gt;&lt;/strong&gt; kuombėnacėjė. Šėta ėšdiestīm pėlnā ožtenk rašont palē A.Gėrdenė ė J.Pabriežas siūluomus rašības princėpus.&lt;/p&gt;&lt;h3 id=&#34;idëgėms&#34;&gt;Idëgėms&lt;/h3&gt;&lt;ol&gt;&lt;li&gt;Parsėsiuntams arkīvs &lt;a href=&#34;https://xn--emaitj-m4ab33g.lt/baltic.zip&#34;&gt;baltic.zip&lt;/a&gt;. Ons ėšarkīvůnams ė palēdams baltic.msi.&lt;/li&gt;&lt;li&gt;Tumet nuēnama i kalbuos nustatīmus, pašalėnama lietoviu kalba.&lt;/li&gt;&lt;li&gt;Pasků vielėk pridedama lietoviu ruoda, no pridedont pasirenkama klavētūra Baltic (QWERTY). Ė vėskō pabėngos spaustė OK.&lt;/li&gt;&lt;/ol&gt;&lt;h2 id=&#34;5-būds-so-windowsas&#34;&gt;5 būds so Windows&amp;rsquo;ās&lt;/h2&gt;&lt;p&gt;Jė nauduojat Windows operacėnė sistema, ta galėma parsėsiūstė &lt;a href=&#34;https://xn--emaitj-m4ab33g.lt/sgsv2.zip&#34;&gt;Sgsv2 klavētūras ėšdiestīma&lt;/a&gt;. Šėts klavētūras ėšdiestīms nauduojams šėtam alkierie a kėtor, kor rašuoma „bėndrėnie“ žemaiťiu rašībuo. Esmėnė detalė īr ėlgoma žėnklos oždedams so &lt;strong&gt;&lt;em&gt;`&lt;/em&gt;&lt;/strong&gt; (tėn kor &lt;strong&gt;~&lt;/strong&gt; īr). Kėtas majadnės ruodbalsės gaunamas so &lt;strong&gt;&lt;em&gt;AltGr&lt;/em&gt;&lt;/strong&gt; kuombėnacėjuom (dėdliuosės ruodbalsės dā paspaudos &lt;strong&gt;&lt;em&gt;Shift&lt;/em&gt;&lt;/strong&gt;:&lt;/p&gt;&lt;ul&gt;&lt;li&gt;&lt;strong&gt;&lt;em&gt;AltGr + q&lt;/em&gt;&lt;/strong&gt; → ë&lt;/li&gt;&lt;li&gt;&lt;strong&gt;&lt;em&gt;AltGr + w&lt;/em&gt;&lt;/strong&gt; → ů&lt;/li&gt;&lt;li&gt;&lt;strong&gt;&lt;em&gt;AltGr + a&lt;/em&gt;&lt;/strong&gt; → ȧ&lt;/li&gt;&lt;li&gt;&lt;strong&gt;&lt;em&gt;AltGr + t&lt;/em&gt;&lt;/strong&gt; → ť&lt;/li&gt;&lt;li&gt;&lt;strong&gt;&lt;em&gt;AltGr + d&lt;/em&gt;&lt;/strong&gt; → ď&lt;/li&gt;&lt;li&gt;&lt;strong&gt;&lt;em&gt;AltGr + e&lt;/em&gt;&lt;/strong&gt; → é&lt;/li&gt;&lt;li&gt;&lt;strong&gt;&lt;em&gt;AltGr + o&lt;/em&gt;&lt;/strong&gt; → ó&lt;/li&gt;&lt;li&gt;&lt;strong&gt;&lt;em&gt;AltGr + r&lt;/em&gt;&lt;/strong&gt; → ŗ&lt;/li&gt;&lt;li&gt;&lt;strong&gt;&lt;em&gt;AltGr + l&lt;/em&gt;&lt;/strong&gt; → ļ&lt;/li&gt;&lt;li&gt;&lt;strong&gt;&lt;em&gt;AltGr + k&lt;/em&gt;&lt;/strong&gt; → ķ&lt;/li&gt;&lt;li&gt;&lt;strong&gt;&lt;em&gt;AltGr + g&lt;/em&gt;&lt;/strong&gt; → ģ&lt;/li&gt;&lt;/ul&gt;&lt;p&gt;Vėsa ėšdiestīma gal pamatītė arkīvė esonťiūs abruozdieliūs.&lt;/p&gt;&lt;h3 id=&#34;idëgėms-1&#34;&gt;Idëgėms&lt;/h3&gt;&lt;ol&gt;&lt;li&gt;Parsėsiuntams arkīvs &lt;a href=&#34;https://xn--emaitj-m4ab33g.lt/sgsv2.zip&#34;&gt;sgsv2.zip&lt;/a&gt;. Ons ėšarkīvůnams ė palēdams setup.exe.&lt;/li&gt;&lt;li&gt;Tumet nuēnama i kalbuos nustatīmus, pašalėnama lietoviu kalba.&lt;/li&gt;&lt;li&gt;Pasků vielėk pridedama lietoviu ruoda, no pridedont pasirenkama klavētūra so žemaitėškuom ruodbalsiem. Ė vėskō pabėngos spaustė OK.&lt;/li&gt;&lt;/ol&gt;&lt;h2 id=&#34;6-būds-so-linuxas&#34;&gt;6 būds so Linux&amp;rsquo;ās&lt;/h2&gt;&lt;p&gt;Jė nauduojat Linux operacėnė sistema, ta SgsV2 klavētūras ėšdiestīma galėma idëgtė tǡp:&lt;/p&gt;&lt;ol&gt;&lt;li&gt;So &lt;em&gt;root&lt;/em&gt; prėvėlėjuom atvertė faila rašīmů &lt;em&gt;/usr/share/X11/xkb/symbols/lt&lt;/em&gt;&lt;/li&gt;&lt;li&gt;Galė Standart sekcėjės pridietė:&lt;/li&gt;&lt;/ol&gt;&lt;pre tabindex=&#34;0&#34;&gt;&lt;code&gt;key &amp;amp;lt;TLDE&amp;amp;gt; {[ U0304, asciitilde, grave, acute ]};key &amp;amp;lt;AD01&amp;amp;gt; {[ q, Q, U00EB, U00CB ]};key &amp;amp;lt;AD02&amp;amp;gt; {[ w, W, U016F, U016E ]};key &amp;amp;lt;AD03&amp;amp;gt; {[ e, E, eacute, Eacute ]};key &amp;amp;lt;AD04&amp;amp;gt; {[ r, R, rcedilla, Rcedilla]};key &amp;amp;lt;AD05&amp;amp;gt; {[ t, T, tcaron, Tcaron ]};key &amp;amp;lt;AD09&amp;amp;gt; {[ o, O, oacute, Oacute ]};key &amp;amp;lt;AC01&amp;amp;gt; {[ a, A, U0227, U0226 ]};key &amp;amp;lt;AC03&amp;amp;gt; {[ d, D, dcaron, Dcaron ]};key &amp;amp;lt;AC05&amp;amp;gt; {[ g, G, gcedilla, Gcedilla]};key &amp;amp;lt;AC08&amp;amp;gt; {[ k, K, kcedilla, Kcedilla]};key &amp;amp;lt;AC09&amp;amp;gt; {[ l, L, lcedilla, Lcedilla]};key &amp;amp;lt;AB02&amp;amp;gt; {[ x, X, U0115, U0114 ]};&lt;/code&gt;&lt;/pre&gt;&lt;ol start=&#34;3&#34;&gt;&lt;li&gt;Jė dā nȧparsikraun:&lt;/li&gt;&lt;/ol&gt;&lt;pre tabindex=&#34;0&#34;&gt;&lt;code&gt;cd /var/lib/xkbsudo rm -rf server-*&lt;/code&gt;&lt;/pre&gt;&lt;p&gt;Žemaitėšks ėšdiestīms atsirond pu standartėnio lietovėško ėšdiestīmo. Ateitës planūs īr sokortė atskėra ėšdiestīma, katras būs siūluoms so vėsuom Linux distribucėjuom.&lt;/p&gt;&lt;p&gt;&lt;strong&gt;Dabā Linux&amp;rsquo;ūs žemaitėšks klavētūras ėšdiestīms jau īr itraukts oficēlē&lt;/strong&gt;&lt;/p&gt;&lt;p&gt;Pasirinkȧt labiausē tinkonti būda, vuo svarbiausē nȧbėjuokȧt rašītė.&lt;/p&gt;</description>
     </item>
   
     <item>
       <title>Žemaitē gava ISO kuoda</title>
       <link>https://xn--emaitj-m4ab33g.lt/skait%C4%97ne%CC%84/zemaite-gava-iso-kuoda/</link>
       <pubDate>Sat, 10 Jul 2010 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/zemaite-gava-iso-kuoda/</guid>
       <description>&lt;p&gt;Nu bėrželė 30 isigaliuojė žemaiťiu kalbuos ISO 639-3 kuods „sgs“. Esont anam dabā gal būtė pargoldamas kompioterėnės pruogramas, gal nuruodītė, ka internetėnis poslapis žemaitėšks (vieliau Google galies ëškuotė „tarp poslapiu žemaiťiu kalbuo“),  kningas parašītas žemaitėškā jau gal pažīmietė kap žemaitėškas :) Tāp pat gal jau prašītė ė rimtesniū dalīku: itrauktė „ė ėlgōjė“ kap standarta, klavētūras išdiestīmus ė t.t. Sveikėnam :) &lt;a href=&#34;http://www.sil.org/iso639-3/documentation.asp?id=sgs&#34;&gt;www.sil.org/iso639-3/documentation.asp?id=sgs&lt;/a&gt;&lt;/p&gt;</description>
     </item>
   
     <item>
       <title>A žemaitē par daug nuor?</title>
       <link>https://xn--emaitj-m4ab33g.lt/skait%C4%97ne%CC%84/a-zemaite-par-daug-nuor/</link>
       <pubDate>Thu, 10 Jun 2010 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/a-zemaite-par-daug-nuor/</guid>
       <description>&lt;p&gt;Jau 4 metā, kap Internetė korama Vikipedėjė žemaitėška. Gal barniu ėr īr, bet rezoltatė jau ī vėršom 12 tūkstonťiu straipsniu. Kažkam tas nȧpatėka ė praša uždarītė pruojekta, nes… „žemaiťiu kalbuos nie, anë vėsė raša bilekāp“ ė geriausis argoments: „žemaiťiu nȧbie arba tujaus nȧblėks“. Dā vëns linksmiesnis pasakīms: „žemaitē vėsė muok lietovėškā, ta kam anīms tuo rēk“. Žėnuomās oždarīma idiejė palaika „lietovē“ arba kāp aš sakīťiuo „dėdlietovē“ (soprask „šovėnėstā“). Tǡp pat atsėrada ė žemaiťiu tarpė tuokiū, bet kor tuokiū nie. Kėtatautē dažniausē tik veiz ė saka: ků jums (t.ī. lietovems) anë užkliūn, kėtas vikipedėjės tik pavīdietė tȧgal tuokė aktīvoma.&lt;/p&gt;&lt;p&gt;&lt;a href=&#34;http://meta.wikimedia.org/wiki/Proposals_for_closing_projects/Closure_of_Samogitian_Wikipedia&#34;&gt;http://meta.wikimedia.org/wiki/Proposals_for_closing_projects/Closure_of_Samogitian_Wikipedia&lt;/a&gt;&lt;/p&gt;&lt;p&gt;Kuokë būn argomentā, ka žemaiťiu kalbuos nikam nȧrēk?&lt;/p&gt;&lt;ol&gt;&lt;li&gt;&lt;p&gt;Žemaiťiu nie iš vėsa – anë vėsė ī lietovē. – če daug gal ginčītës lėg nukrėtėma, bet jė jau atsirada, kas savėm laika žemaiťio, vuo palē „Vėsaposėška žmuogaus prėvėlėju deklaracėjė“ (lt. „Visuotinė žmogaus teisių deklaracija“) &lt;a href=&#34;http://en.wikipedia.org/wiki/Universal_Declaration_of_Human_Rights&#34;&gt;http://en.wikipedia.org/wiki/Universal_Declaration_of_Human_Rights&lt;/a&gt; 15 straipsni, ta vėsė tor prėvėlėjė i tautībė.&lt;/p&gt;&lt;/li&gt;&lt;li&gt;&lt;p&gt;Žemaitē ruokůnas lietoviu kalbuos tarmė, tudie rēk nauduotė bėndrėnė. – līgē tas pats, kas so tautībė. Bet jė ė laikā žemaiťiu tarmė, ta ka anuo rašītė nȧrēk – maža išsimuokslėnėma līgis. Pėrmiausē ta tarmie tortėn bėndrėnė kalba sava žuodīno; ontra – vakarūs jau senā soprata, ka rēk mīlietė sava muotinu kalba ė leid anās laikrašťius, žornalus, nes Šveicarėjės parlamentė šnek iš tribūnas. Tik mes kažkuo bėjuom, būktās jautas „kaimiečio“ stereotėps.&lt;/p&gt;&lt;/li&gt;&lt;li&gt;&lt;p&gt;Žemaitē nȧtor sava gramatėkas. – če jau rimts argoments ė tonkē nie kuo pastatītė prīš anō. Pabriežas ė Gėrdenė kningėkė bova gera pradė, bet ana tinkontė rašītė vënuo tarmie ė muokont anō. Vuo dabā jau rets žemaitis, katras nȧbklīstōs šnekiedams. Žemaitėška vikipedėjė rašuoma dounėninku tarmie ė tǡp skriaud sava bruoliokus dūnėninkus. Vėsė abelnā esontis etnėnė darėnē, këk panaši i momis, tor ė gramatėkas ė muokīma pamuokas universėtetūs, tik mes kuo tās trīpčiuojam vëtuo.&lt;/p&gt;&lt;/li&gt;&lt;/ol&gt;&lt;p&gt;Kėtė argomentā nȧblabā muokslėnē arba išēt iš onkstesniū.&lt;/p&gt;</description>
     </item>
   
     <item>
       <title>Vëns žemaitėšks darbs</title>
       <link>https://xn--emaitj-m4ab33g.lt/skait%C4%97ne%CC%84/veins-zemaitesks-darbs/</link>
       <pubDate>Tue, 28 Jul 2009 00:00:00 +0000</pubDate>
       
       <guid>https://xn--emaitj-m4ab33g.lt/skait%C4%97ne%CC%84/veins-zemaitesks-darbs/</guid>
       <description>&lt;p&gt;Karto so Lietovuos atgėmėmo pakėla ė žemaitėška plunksna: raduos naujės eilės, laikraštē, kningas. Ka kuožnos nȧrašītom bikāp – bova parašītė patarėmā. Tekstā patapa panašesnė ė vënuo sėstemuo. Šėts mažos darboks parašīts palē tō sėstema so hipotetėnēs pakeitėmās, katrë galietom būtė sprėndėmo „īlā“ ėšlindosē ėš maiša, so katro nuorieťiuo sopažindintė.&lt;/p&gt;&lt;p&gt;Šindënėnis žemaitėšks rašts īr gers kuol rašā vëns pats. Žemaitē nie tuokë jau mondrė, ka pradietom keltė lerma diel prietelė rašta ėš Plungės ė kėta ėš Varniū. Kumet veizi i darbokus atskėrā, ta būn gražē paskaitītė ė pasėdžiaugtė kap taiklē vëns a kėts ruodavuojas sava tarmie. Ale pamegink anůdo sosuodintė pri vëna stala ė parašītė kō…&lt;/p&gt;&lt;p&gt;A mes torȧm tuokiū darbū, katrūs rēktom rašītė bėndrā?..&lt;/p&gt;&lt;p&gt;Tikůs, ka mėsliu sokieliau ė pu krėtėkas teiksȧties dėrbtė vëna darba.&lt;/p&gt;&lt;p&gt;Nauduojamas raidės ė kelės nuormintas taisīklės (pamėslėjėmů):&lt;/p&gt;&lt;ol&gt;&lt;li&gt;lt. „d&lt;strong&gt;uo&lt;/strong&gt;na“ → „d&lt;strong&gt;ů&lt;/strong&gt;na“, gal skaitītė „ou/ū“, bet atskėrė žuodē so „u/ū“, pvz.: tumet, Jūzaps, kamulīs.&lt;/li&gt;&lt;li&gt;lt. „d&lt;strong&gt;ie&lt;/strong&gt;na“ → „d&lt;strong&gt;ë&lt;/strong&gt;na“, gal skaitītė „ėi/ī“, bet atskėrė žuodē so „i/ī“, pvz.: lītos, nikumet.&lt;/li&gt;&lt;li&gt;Prīšdelis lt. „n&lt;strong&gt;e&lt;/strong&gt;-, b&lt;strong&gt;e&lt;/strong&gt;-, t&lt;strong&gt;e&lt;/strong&gt;-“ → „n&lt;strong&gt;ȧ&lt;/strong&gt;-, b&lt;strong&gt;ȧ&lt;/strong&gt;-, t&lt;strong&gt;ȧ&lt;/strong&gt;-“, gal skaitītė „e/a“. Tǡp pat ė kėtuos vëtuos gal būtė, kor žemaitē ėšsėskėr so „e/a“, pvz.: tor&lt;strong&gt;ȧ&lt;/strong&gt;m, t&lt;strong&gt;ǡ&lt;/strong&gt;p, skaitīk&lt;strong&gt;ȧ&lt;/strong&gt;t.&lt;/li&gt;&lt;li&gt;lt. „sve&lt;strong&gt;č&lt;/strong&gt;ių, me&lt;strong&gt;dž&lt;/strong&gt;ių“ → „sve&lt;strong&gt;ť&lt;/strong&gt;iū, me&lt;strong&gt;ď&lt;/strong&gt;iu“ (če Ťť ė Ďď), bet ne prīš „e/ē, i/ī“, pvz.: svetē, medē.&lt;/li&gt;&lt;li&gt;lt. šaknėnius „&lt;strong&gt;ą&lt;/strong&gt;, &lt;strong&gt;ę&lt;/strong&gt;“ → „&lt;strong&gt;ō&lt;/strong&gt;, &lt;strong&gt;ė̄&lt;/strong&gt; (ė so brokšnioko)“, gal skaitītė „ou/on/ō“ ėr „ėi/ėn/ė“.&lt;/li&gt;&lt;/ol&gt;</description>
     </item>
   
 </channel>
</rss>
